E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Ekskluzive-Punësimet në UT/ Rektori sherr me dekanët e Fakultetit Ekonomik, Juridik dhe Gjuhëve të huaja

10 Nëntor 2018, 10:40, Aktualitet CNA

Nga Xhovani SHYTI

* Punësimet në Universitetit të Tiranës kanë qenë një tjetër objeksion i grupit të kontrollit të Ministrisë së Arsimit Sportit dhe Rinisë (MASR), e cila në përfundim ka nxjerrë një serë shkeljesh të bëra nga Rektori Mynyr Koni, i cili në vijim të parimit për ta përdorur postin zyrtar si të jetë ?sulltan? i gjithëpushtetshëm, edhe në këtë fushë u?a ka marrë kompetencat ligjore organeve kolegjiale, duke ndezur madje edhe sherr me disa prej dekanëve.

Konkretisht bëhet fjalë për tre dekanë, atë të Ekonomikut, të Fakultetit Juridik dhe atij të Gjuhëve të huaja, të cilëve rektori Koni u?a ka injoruar të drejtën që u jep ligji për punësimet për vendet vakante.

Pasi konstaton se: shpalljet publike për vëndet e lira të punës për personel akademik, nd/akademik dhe administrative janë bërë nga UT në Buletinet e Agjencisë së Prokurimeve Publike, në raportin përfundimtar të konkluzioneve grupi i kontrollit, pasi përmend një serë rastesh të konstatuara, vlerëson se:

??Shpallja e fituesve dhe punësimi i tyre me kontrata me afat të caktuar është bërë në kundërshtim me kriteret e përgjithshme? Kontratat e nënshkruara nga Rektori me personelin akademik nuk përcaktojnë normën mësimore (për personelin përkatës), siç e kërkon statuti?.

Në vijim, pasi ka hedhur poshtë çdo objeksion të ngritur nga rektori Mynyr Koni, në faqen 35 të raportit me nr. 8359 prot, dt.31.07.2018, lexohet:

? Në procedurat e punësimeve për personel akademik Grupi i Punës konstaton se urdhrat për ngritjen e Komisionit të Vlerësimit janë nxjerrë nga Rektori, i cili ka caktuar antarët e Komisionit sipas propozimeve të ardhura nga njesitë kryesore e njesitë bazë dhe një antari të zgjedhur prej tij. Por disa pozicione pune nuk janë shpallur.

Në Fakultetin e Drejtësisë, ku ngarkesa mësimore mbulohet vetëm në masën 29.1% nga personeli akademik, me kohë të plotë të këtij Fakulteti, nuk është shpallur asnjë vend vakant për personel akademik. Fakulteti i Drejtësisë ka përcjellë kriteret e punësimit për të tri kategoritë e stafit akademik për tu miratuar nga ana e Rektorit, i cili ka refuzuar miratimin pasi, sikurse shprehet në shkresën dërguar Fakultetit: Njësitë bazë nuk kanë përcaktuar numrin total të vëndeve të punës?Në përgjigje Dekani i Fakultetit të Drejtësisë i vë në dukje Rektorit se prej katër muajsh ai nuk ka zbatuar detyrimin që përcakton neni 64 i ligjit 80/2015…?

Me këtë veprim Rektori ka shkaktuar bllokimin e procedurës së rekrutimit të stafit akademik të këtij Fakulteti, theksohet në raport, ku po e njejta marrëdhënie rezulton të jetë prezente edhe në raportet e Rektorit me Dekanin e Fakultetit të Ekonomisë, si dhe të Gjuhëve të huaja. Sikurse citohet në fq. 35,36 të raportit:

?Kanë dështuar disa procedura konkurrimi për tu finalizuar me nënshkrim kontrate me tre kandidatë të shpallur fitues nga komisionet (mungon antari i zgjedhur nga Rektori), për shkak të mosmarrëveshjeve të Rektorit dhe Dekanit të Fakultetit Ekonomik, se cili autoritet drejtues është përgjegjës për ngritjen e komisionit ad hoc.

Urdhëri për ngritjen e Komisionit është nxjerrë nga Dekani dhe vendi i dorëzimit të dosjeve të aplikantëve e zhvillimi i konkurrimit është bërë në Fakultetin Ekonomik, por nuk nënshkruhen kontratat nga Rektori?E njejta problematikë mbi dështimin e procedurave për punësimin e personelit akademik ka ndodhur edhe në Fakultetin e Gjuhëve të Huaja ku për shkak të mosmarrëveshjes mbi autoritetin për ngritjen e Komisionit, ka dështuar procedura për punësimin e personelit në Departamentin e gjuhëve sllave dhe ballkanike, dega gjuhë greke. Për më tepër, për shkak të situatës konfliktuale Rektor-Dekan kanë dhenë dorëheqjen antarë të komisionit ad hoc?.

Në vlerësim të konfliktit midis palëve, në raport thuhet se: ?Drejtuesit Njësive Kryesore gjykojnë se, sipas statutit aktual të UT, Komisioni ad hoc duhet të ngrihet nga Dekani dhe Rektori dërgon përfaqësuesin e rektoratit.

Ndërkohë në nenin 64 të ligjit nr.80/2015 përcaktohet se kriteret e punësimit të personelit akademik me kohë të plotë përcaktohen nga njesitë bazë, bazuar në nevojat e kësaj të fundit, dhe miratohen nga Rektori. Konkursi në institucionet publike të arsimit të lartë drejtohet nga një komision ad hoc,i përbërë me shumicë nga përfaqësues të njesisë bazë përkatëse?/CNA.al

Ekskluzive-Sistemi informatik i bllokuar/ Rektori i UT-së pushton dhomën e serverit

Ekskluzive/ Rektori Mynyr Koni kërkon të vendosë ?sulltanatin? në Universitet