E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

PD braktis protestuesit/ Noka nxjerr zbuluar Bashën

10 Nëntor 2018, 10:39, Aktualitet CNA

Prej disa ditësh banorë të zonës së Astirit po protestojnë kundër shembjes së shtëpive të tyre, në kuadër të zgjerimit të rehabilitimit të plotë të Unazës së re.

Protestës së banorëve di dje ashtu edhe sot i janë bashkuar edhe deputetë të Partisë Demokratike, si dhe kreu i saj, Lulzim Basha.

Por, në fakt më shumë sesa mbështetje ndaj protestës, duket se Basha po e shuan atë. Ditën e djeshme Basha u shfaq pranë banorëve, por nga rruga i mori e i futi në kafe. Dhe për me tepër, fjalën ja dha një 12-vjeçari, për të cilin edhe vetë Luli e pranoi se e ngre më mira ai kauzën sesa vetë opozita. ?Jam i tronditur i shokuar nga ajo çfarë kam parë dhe dëgjuar, por jo aq sa sot që u ndesha me dramën e këtyre familjeve, mesazhin e thotë më mirë Klevisi 12 vjeçar”-tha Basha dhe ja dha fjalën.

Ndërsa sot në mbështetje të protestës ka shkuar deputeti i PD, Flamur Noka, i cili tha se banorët nuk janë kundër ndërtimit të rrugës, po po protestojnë se po i nxjerrin në rrugë.

Por, ajo që ndodh është se përveç braktisjes nga shteti këta banorë janë braktisur edhe nga opozita, për faktin se përveç deklaratave në media, nuk ka ndërmarrë asnjë hap ligjor në mbështetje të tyre dhe për më tepër as ka ndërmend ta bëjë një gjë të tillë.

I pyetur nga gazetarët se çfarë hapash konkretë do të ndërmarrë PD në mbështetje të qytetarëve, përveç deklaratave mediatike, deputeti Noka nuk bëri gjë tjetër veçse nxori zbuluar Bashën se mbështetja e supozuar ndaj këtyre banorëve është vetëm një fasadë.

?Banorët kanë nisur një komision nismëtar, PD është vetëm në mbështe të kauzës së tyre. Veliaj ndërton banesa strehimi për qen, por këta banorë i nxjerr në rrugë si qen?-tha Noka, pa mundur ti përgjigjet pyetjes së gazetarëve.

Si Basha ashtu edhe Noka janë zgjedhur deputetë të parlamentit shqiptarë dhe sit ë tillë kanë detyrë ligjore mbrojtjen e interesave të qytetarëve, por as Noka dhe as Basha nuk thanë që do të dërgojnë në parlament nismë ligjore për vlerësimin dhe kompensimin e këtyre banorëve./ CNA.al