web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive-Sistemi informatik i bllokuar/ Rektori i UT-së pushton dhomën e serverit

9 Nëntor 2018, 09:44, Aktualitet CNA

Nga Xhovani SHYTI

* Në kuadër të kthimit të Universitetit të Tiranës në ?sulltanat?, krahas  mënjanimit të strukturave të brendëshme kolegjale, rektori i këtij institucioni të rendësishëm të arsimit të lartë, Mynyr Koni, ja ka dalë të pushtojë edhe dhomën e serverit. Domethenë trurin elektronik që komandon të gjithë sistemin e ruajtjes së informacionit që qarkullon brenda rrjetit universitar. Veprim ky që përbën shkelje të rendë dhe ka sjellë pasojë bllokimin e sistemit informatik.

Konfirmimin zyrtar i këtij fakti vjen nga raporti mbi 100 faqesh i hartuar prej grupit të punës së Ministrisë së Arsimit Sportit dhe Rinisë (MASR),ku ndër të tjera lexohet:

??Prej muajit korrik të vitit 2017 sistemi informatik nuk funksionon. Në këtë sistem hidhen të dhenat e studentëve, si notat, mungesat etj. Gjithashtu ky sistem ndihmon si sekretaret mësimore, ashtu dhe studentët në mbarëvajtjen e procesit mësimor. Nga procesverbalet e mbledhjeve të Senatit dhe Rektoratit rezulton se mosfunksionimi i sistemit ka qenë një problem i ngritur nga shumë antarë të këtyre organeve kolegjale.?

Në fakt problemet me sistemin kanë nisur në fund të vitit 2016.  Shoqëria përgjegjëse për mirëmbajtjen e tij, ?BNT Electronics?, bën me dije se shkak ka qenë paaftësia dhe papërgjegjshmëria e personave që administrojnë sistemin në Universitet. Por  nëpërmjet një shkrese me nr. 418/1 prot. dt.09.02.2017, me lendë ?Kthim përgjigjeje? UT-së, Shoqëria ?BNT??  zbulon se nga rrjeti janë fshirë disa të dhena.

??Nga Universiteti është bërë kërkesë me e-mail për të bërë restore disa të dhena të fshira disa ditë më parë. Praktikisht është kërkuar zhdukja e informacionit të gjithë ditëve të fundit  për të rikthyer informacionin e fshirë nga Sekretarja për një cikël akademik të caktuar?, lexohet në raport. Ku më tej citohet një procesverbal i mbajtur në dt.15. 02. 2017, ora 14.30, midis Z. Robert Skënderi (Kancelar i UT), Znj. Suela Maxhelaku (drejtor i IT) dhe Znj. Dorina Panariti (drejtore e Burimeve Njerëzore) në të cilin rezulton se: ? Është ndërruar brava e dhomës së serverit. Sipas Znj.Maxhenliku çelësat  e dhomës së serverit posedohen nga Rektori? .

Lidhur me mosfunksionimin e sistemit Rektori dhe Kancelari akuzojnë njeri tjetrin. Kancelari ka kërkuar çelësat e dhomës së serverit nga Rektori, sikurse ai është shprehur: për ta rikthyer në gjëndje pune sistemin, theksohet në raport. Ku bëhet, gjithashtu me dije, se Kancelari nuk ka marrë në asnjë moment në dorëzim çelësat e dhomës së serverit të disponura nga rektori Koni. Për pasojë sistemi ka mbetur i bllokuar, ndërsa lidhur me këtë akt, përkundër objeksioneve  të z.Mynyr Koni, grupi i kontrollit shprehet:

?Marrja nën kontroll fizik nga ana e Rektorit të UT e dhomës së serverit dhe bllokimi i sistemit informatik përbën shkelje shumë të rendë të akteve të brendëshme të IAL-së. Informacioni që përmban serveri është i rendësisë së veçantë pasi në këtë sistem janë hedhur informacione të mbrojtura me ligj për studentët?Mosvënia në dispozicion e çelësave të dhomës së serverit ngarkon me përgjegjësi të drejtëpërdrejtë Rektorin e UT-së? Sistemi informatik është menaxhuar nga strukturat në vartësi të Rektorit?./CNA.al

Ekskluzive/ Rektori Mynyr Koni kërkon të vendosë ?sulltanatin? në Universitet





Lajmet e fundit nga