web counter
LEXO PA REKLAMA!

SHKARKO APP

Thirrjet antishqiptare/ Lirohen 12 grekët e arrestuar pas varrimit të Kaçifas

9 Nëntor 2018, 07:53, Aktualitet CNA

12 shtetasit grekë, mes të cilëve edhe ekstremisti Babis Karathano, të cilët u shoqëruan pas varrimit të Konstandinos Kacifas ditën e djeshme në Bularat, janë liruar rreth orës 02:00 të mëngjesit të sotëm. Mësohet se 12 personat e shoqëruar pas lirimit do procedohen të lirë.

Shoqërimi i shtetasve grekë ka ardhur pas përfundimit të ceremonisë së varrimit të 35-vjecarit Kacifas gjatë ditës së djeshme në fshatin Bularat si dhe bllokimit të rrugës për më shumë se 10 minuta në aksin rrugor Gjirokastër-Kakavijë.

Të shoqëruarit janë marrë në pyetje dhe janë verifikuar nëse kanë qenë përgjegjës për bllokimin e rrugës si dhe nëse kanë kaluar kufirin ilegalisht apo në mënyrë të rregullt.

Në ceremoninë e varrimit të Kostandinos Kacifas morën pjesë mbi 1 mijë grekë të ardhur nga shteti helen, ndërsa nuk munguan thirrjet anti-shqiptare.





Lajmet e fundit nga