web counter
LEXO PA REKLAMA!

SHKARKO APP

App Store
Google Play

E fundit!

x

Deklarata “bombë”/ Zbulohet çfarë fshihet pas shembjes së banesave te Unaza e re

9 Nëntor 2018, 12:37, Aktualitet CNA

Kryetari i Partisë Demokratike, Lulzim Basha i është takuar sot me banorë të Unazës së re, të cilët po protestojnë kundër shembjes së banesave të tyre në kuadër të zgjerimit dhe rehabilitimit të plotë të unazës.

Në një prononcim për mediat, kryetari i PD, Lulzim Basha tha se qëllimi i prishjes së banesave nuk është rruga, por sipas tij kryebashkiaku Veliaj dhe kryeministri Rama po kërkojnë të ndërtojnë pallate shumëkatëshe bashkë me një grup oligarkësh.

?Asgjë nuk respektohet, pasi Edi Rama dhe Veliaj kanë një projekt bashkë me një grup oligarkësh dhe bandash që duan të pastrojnë paratë e drogës. Shkelin ligjin dhe Kushtetutën për të shkatërruar shtëpitë. Një pjesë e tyre të legalizuara dhe një pjesë në proces. Kjo është dëshmia më e qartë se ku ka përfunduar Shqipëria. Sa e rrezikshme është kjo bandë e kam paralajmëruar. Mos prisni që t?u vijë e keqja në pragun e shtëpisë tuaj, por ejani këtu. Mbroni ligjin, Kushtetutën. Në këtë skandal s?ka asgjë të ligjshme. Shteti ka shkelur ligjin, kryeministri ka shkelur ligjin. E vetmja gjë e ligjshme këtu është rezistenca e këtyre banorëve. Shkelja e ligjit është tipar i kësaj qeverie. Ky është mesazhi i PD. PD ka qenë dhe do të jetë në mbështetje të tyre me këshilltarë dhe deputetë. Do qëndrojmë pro kauzës së këtyre banorëve?, përfundoi Basha./CNA.al





Lajmet e fundit nga