web counter
LEXO PA REKLAMA!

SHKARKO APP

App Store
Google Play

“Nuk merr as votat e shtëpisë së tij”/ Dako i përgjigjet flakë për flakë Bylykbashit

9 Nëntor 2018, 12:12, Aktualitet CNA

Pas akuzave të rënda që deputeti i PD, Oerd Bylykbashi bëri sot në drejtim të kryebashkiakut të Durrësit, Vangjush Dako, ka reaguar ky i fundit.

Në një postim në rrjetet sociale, Dako shkruan se Bylykbashi nuk merr as votat e shtëpisë së vet, dhe së në Durrës është personazhi më i pavotuar i PD-së.

?Oerd Bylykbashi bën kompetentin në Tiranë ku s’e njeh askush. Në Durrës është personazhi më i pavotuar i PD-së! Oerdi e di shumë mirë që koha kur PD-ja i merrte votat në Durrës me figura serioze qytetare dhe me burgaxhinj me leje 10 ditore në fshat, ka vdekur. Figurat qytetare të PD ka kohë që votojnë Vangjush Dakon dhe Oerdi e di mirë! Sepse nuk kanë si i shkojnë mbrapa Oerdit që s’merr as votat e shtëpisë së vet dhe e mbante Sokol Olldashi i shkretë si sekretar nga mbrapa.?-shkruan Dako.

Gjithashtu, Dako shkruan se ka ikur koha kur nxirreshin burgaxhinjtë për të rrahur njerëzit e PS-së në Ishëm e nëpërfshatra. ?Ndërsa koha e burgaxhinjve, koha e Lentit tënd që nxirreshin për të rrahur njerëzit e PS në Ishëm e nëpër fshatra, ka vdekur, vdiq bashkë me Saliun. Sot votat merren me punë e me fushata ku PS-së s’i del dot para jo Oerdi po askush.?-shkruan Dako.

Më tej ai thekson se ?Sa takime bëj unë në 24 orë, Oerdi që fle gjumë në drekë s’ka për t’i bërë dot as në 24 vjet politikë! Më vjen keq se e kam banor timin, po s’kam çfarë i bëj, do e fus në listën e gjyqeve me vemjet e tjera të Lul Peshkut dhe po ja përsëris: Harroje Durrësin si politikan Oerd! Shijo si qytetar ndryshimet që kam bërë dhe do të bëj unë bashkë me qeverinë time, po si politikan je i mbaruar. Shyqyr që të fut Lul Peshku të parin në akuariumin e PD-së së Durrësit dhe të çon në parlament brenda në akuarium, se ty edhe moma jote ta jep votën për konflikt interesi se për bindje është edhe më e majtë se unë!?/ CNA.al

Abuzime me tenderat dhe lejet e ndërtimit/ Provat që fundosin kryebashkiakun e Ramës





Lajmet e fundit nga