web counter
LEXO PA REKLAMA!

SHKARKO APP

App Store
Google Play

Ku u zhduk Monika Kryemadhi?/ Në pazar me Edi Ramën

8 Nëntor 2018, 10:17, Aktualitet CNA

Kryetarja e LSI-së, Monika Kryemadhi, papritur është ?zhdukur? nga ekranet. Opozitarja e fortë që gjuajti Ramën me çizme në sallën e parlamentit, apo e kërcënoi me vdekje gjatë një dalje për mediat, kur i kujtoj vrasjen e Esat Pashë Toptanit, tashmë Monika Kryemadhi është ?zbutur? dhe ka lënë menjëanë sulmet ndaj Ramës.

Kryetarja e LSI, e cila nuk linte ditë pa sulmuar Ramën, kohët e fundit vetëm hesht. Edhe pse situata politike në Shqipëri vijon të jetë e nxehtë, Monika Kryemadhi duket se  ka hequr dorë nga të bërit ?opozitë?, duke lënë të kuptohet se një bashkim me Ramën nuk është larg.

Madje, gjatë një vizite që ka bërë së fundi në Kinë, më shumë sesa kryetarja e një partie opozitare, Monika Kryemadhi u shfaq si një ?zëdhënëse? e qeverisë. Për më tepër, me plot gojën mund të themi se ajo reklamoi ministrinë e Turizmit edhe më shumë sesa vetë Endri Fuga, që propagandon çdo gjë që lidhet me qeverinë Rama.

Mesa duket, Kryemadhi nuk shkoi si opozitare në Kinë, sepse  jo vetëm reklamoi turizmin, por edhe kërkoi të thellohet bashkëpunimi mes dy shteteve.

Partia e Ilir Metës, që tashmë drejtohet nga bashkëshortja e tij, Monika Kryemadhi, është partia e tepsisë dhe nuk do të ishte çudi që ta shohim në krah të Ramës, por ai që ngelen me gisht në gojë në këtë rast është Lulzim Basha.

Ai që në fushatën zgjedhore të 2017-ës ishte gati ta kryqëzonte Ilir Metën, bashkë me partinë e tij, papritur mori në gjirin opozitar as më pak e as më shumë sesa bashkëshorten e Ilir Metës bashkë me çetën e saj. Por, tashmë Kryemadhi duket e distancuar nga sulmet e opozitës kundër Ramës, gjë e cila mund të çojë edhe në një bashkim të LSI-së me PS-në.

Në fakt Kryemadhi ka bërë shurdh-memecen edhe më herët, se nuk mund të shkëputet dot nga tepsia. Është tejet e vështirë për Kryemadhin të ndahet nga tepsia e pushtetit./ CNA.al





09:43 Aktualitet

DUM-DHËNËSIT

1 Fiqir-ngathja:Siç po mësohet, nga shestuesit e përditshëm ...

Lajmet e fundit nga