web counter
LEXO PA REKLAMA!

SHKARKO APP

App Store
Google Play

Foto- Nikollës 'i del ministria nga duart'/ Ky është skandali që ndodh në shkolla

4 Nëntor 2018, 16:14, Aktualitet CNA

Deputeti i Partisë Demokratike Luçiano Boçi ka denoncuar një skandal, që prek Ministrinë e Arsimit e cila është nën drejtimin e Lindita Nikollës.

Në një postim në rrjetet sociale Boçi ka publikuar disa foto nga shkolla 9-vjeçare Zhepë në Skrapar.

Siç shikohet në foto nxënësit e kësaj shkolle shfaqen, duke ngrënë mish e bërë dolli brenda ambienteve të shkollës.

?SHKOLLA KU MISHI PIQET E ? MINISTRIA NUK DIGJET Deri më tani Ministrinë e Arsimit dhe drejtuesen e kam quajtur të paaftë dhe të papërgjegjshme. Me sa duket qenkam gabuar!? Fotot e mëposhtme të bëra në shkollën 9 vjeçare Zhepë, Skrapar ma ?ndryshuan? tërësisht opinionin. Ministria duket hapur këtu që është ?gjeniale? dhe shumë ?serioze. Shpikjet e saj nuk shterojnë asnjëherë.

Mësojmë me hell në dorë? quhet kjo nisma më e re e Ministrisë, e cila shoqërohet me iniciativën e Qeverisë: ?Ndalohet alkooli jashtë shkollave? e lejohet brenda?. Jemi në epokën e klasave digjitale pra, të Ramës e Linditës, ?ku vlon mishi e rakia, tym e flakë të bëhet dija?- ka shkruar deputeti në postimin e tij.

Më tej ai ka shkruar se faktet ulërasin dhe rrëfejnë  saktë se si institucionet tona arsimore janë degraduar tashmë jo vetëm fizikisht, por dhe moralisht në pjesën dërmuese të tyre.

?Tani në shkollat tona ?të gjeneratës së re?, ndodh gjithçka. Aty dhe shpërndahet ?mall?, siç tregojnë shumë denoncime të nxënësve e prindërve, bëhen dhe mbledhje partie, por dhe njëkohësisht hahet e pihet qelepir e bëhet aheng për shtatë palë qejfe.

Shkolla së fundmi është dhe gjelltore dhe thertore dhe han me katër porta, ku vetëm mësim e edukim nuk ndodh të bëhet, ose rrallë bëhet.

Kjo është pamja reale e arsimit përtej fjalëve të stisura të Ramës e Linditës. Rroftë Rilindja e ? hellit në Arsim!?, – ka përfunduar Boçi në postimin e tij./ CNA.al

 





Lajmet e fundit nga