web counter
LEXO PA REKLAMA!

SHKARKO APP

App Store
Google Play

E fundit!

x

Dekretimi i Lleshit/ Kur mbaron afati i Metës

3 Nëntor 2018, 11:57, Aktualitet CNA

Një javë më parë, ditën e shtunë në mënyrë të papritur Fatmir Xhafaj dha dorëheqjen nga drejtimi i Ministrisë së Brendshme, dhe në vend të tij, kryeministri Rama propozoi Sandër Lleshin, i cili më parë ka mbajtur detyrën e Këshilltarit për Mbrojtjen në kryeministri.

Propozimi i Ramës për të emëruar Sandër Lleshin ka shku në Presidencë të shtunën e një jave më parë, por Meta ende nuk ka një vendim për ta firmosur ose jo dekretin në fjalë.

Por, ndërkohë që në media u fol se sot ka skaduar afati 7-ditor për dekretimin e Lleshit, në fakt afati i fundit është ditën e hënë në mesditë.

Propozimi i Ramës ka shkuar në Presidencë të shtunën dhe afati për Metën fillon të nesërmen, pra të dielen dhe duke qënë se e shtuna është zyrtarisht ditë pushimi, afati shtyhet për të hënen.

Kjo i hedh poshtë dyshimet se propozimi i Ramës është djegur, por gjithçka pritet ta shohim në përfundim të afatit zyrtar.

Nëse Sandër Lleshi do të dekretohet ose jo nga Meta në krye të Ministrisë së Brendshme, do ta mësojmë të hënën në mesditë./ CNA.al





Lajmet e fundit nga