“Fruta të freskëta në shkollë”/ Nis projekti për edukimin e të ushqyerit shëndetshëm

2 Nëntor 2018, 13:18, Aktualitet CNA

Ministria e Bujqësisë dhe Zhvillimit Rural me mbështetjen e organizatës ?World Vision? nëpërmjet projektit ?Fruta të freskëta në shkollë?, kanë bërë të mundur që fëmijët e shkollave të ndryshme 9-vjeçare të konsumojnë të paktën dy herë në javë fruta të sezonit.

Natyrisht që këto fruta do t?u ofrohen fëmijëve falas. Projekti ?Fruta të freskëta në shkollë?, nisi me shkollën 9 vjeçare ?24 Maji? në Vlorë, dhe që më pas do të marrë shtrirje në të gjithë vendin, synon në ndërgjegjësimin e fëmijëve të grupmoshave 7-15 vjeç, në konsumin e frutave të freskëta në jetën e tyre të përditshme.

?Ky projekt fillon sot në këtë shkollë, në fakt dhe në dy të tjera të qytetit të Vlorës, për të vazhduar pastaj mundësisht në gjithë Shqipërinë, fillon me kontributin e drejtëpërdrejtë të Ministrisë, të mbështetur nga World Vision. Ne prodhojmë, ne nuk bëjmë vetëm politika apo zhvillimi të bujqësisë, por dhe prodhojmë në fakt përmes qendrave tona të transferimit të teknologjive bujqësore, një prej tyre është në Vlorë, kemi 5 në gjithë Shqipërinë, prodhojmë dhe fruta të ndryshme, perime, bëjmë punën shkencore etj. Një pjesë të këtij prodhimi ne do ta vëmë në dispozicion të programit, që synon fruta për nxënësit në shkollë, të paktën 2 herë në javë, për gjatë sezonit, pra frutat e sezonit, natyrisht falas për të gjithë fëmijët.?

Ministri i Bujqësisë dhe Zhvillimit Rural, z. Niko Peleshi deklaroi se siguria ushqimore duhet të jetë në qendër të vëmendjes të gjithëve dhe se ajo është shumë e rëndësishme veçanërisht për brezin e ri, nga i cili nis dhe edukimi për një jetë të shëndetshme dhe më rezultative.

?Duam të sjellim në vëmendjen e komunitetit gjithmonë e më shumë këto tematika, që në fakt kanë lidhje me të ardhmen e Shqipërisë. Sepse e ardhmja e Shqipërisë janë këta fëmijë. Këta janë ata që do ta trashëgojnë punën, që ne po bëjmë sot? Të jetë një brez që të edukohet me respektin për veten në rradhë të parë, për shëndetin, për shëndetin publik, për mendje të shëndetshme, për më shumë cilësi ushqimore, për më shumë siguri ushqimore.?