web counter
LEXO PA REKLAMA!

SHKARKO APP

App Store
Google Play

Taksa për pronën/ Ahmetaj i “tërheq veshin” pushtetit vendor  

2 Nëntor 2018, 11:57, Aktualitet CNA

Ministri i Ekonomisë dhe i Financave, Arben Ahmetaj, duke folur në  Këshillin Konsultativ  për buxhetin 2019 të pushtetit vendor,  tha se parashikimet janë që borxhi publik të ulet  në 64.9 për qind për vitin e ardhshëm.

Ahmetaj gjithashtu tha se pushteti vendor e ka për detyrë ligjore për të përditësuar të dhënat në platformë për çdo ditë dhe nëse ndodh e kundërta, ata do të mbajnë përgjegjësi ligjore.

Më tej, kreu i financave shtoi se vëmendja është tek taksa e pronës, kjo sipas sipërfaqes së disponueshme. Ministri pohoi se sot janë 600 mijë prona të detajuara në Shqipëri, por qëllimi është që të identifikohen edhe 600 mijë të tjera, me qëllim regjistrimin dhe taksimin e drejtë mbi bazën e sipërfaqes.

?Nga muaji maj morëm një tur në të gjithë vendin. Dua të them se kemi  patur më shumë rezultate.  Buxheti vendor  është shumë i rëndësishëm  për qytetarët.  Tiparet e buxhetit: Deficiti buxhetor është më i ulët i targetuar në dy dekadat e fundit. Investimet publike do të jenë deri në 5 për qind  të prodhimit të brendshëm bruto.  Borxhi publik pritet të ulet në 64.9 për qind?-u shpreh Ahmetaj.

Ndërkohë ministri u ndal edhe tek forma se si do të mblidhen të ardhurat  nga taksat. Sipas tij, nuk do të jetë më OSHEE, por pushteti vendor, i cili duhet të hartojë  politikat dhe instrumentet e saj. Ministri i Ekonomisë dhe Financave iu drejtua në formë të prerë drejtuesve vendorë, të cilëve iu kërkoi që deri në 1 janar të kenë përcaktuar agjentët për të mbledhur taksat.

?OSHEE të mos jetë agjenti i mbledhjes, por ju të keni  agjentët tuaj dhe instrumentet e taksës. Platforma e vlerësimit do të jetë unike. Pushtetet vendore do të jenë të detyruar, që të përmirësojnë informacionin në platformë ditë pas dite e muaji pas muaji. Nëse sot janë 600 mijë prona të detajuar, do të duhet të paktën edhe 600 mijë të tjera të detajohen. Në mënyrë që ju mos t?i taksoni kuturu, por të shkojnë  tek qeliza  dhe tek metri katror. Kjo do na ndihmojë për të regjistruar pronat dhe banesat?, tha ministri./CNA.al





Lajmet e fundit nga