web counter
LEXO PA REKLAMA!

SHKARKO APP

App Store
Google Play

Dekretimi i Lleshit/ “Meta po e shqyrton çështjen nga pikëpamja honorifike”

1 Nëntor 2018, 15:55, Aktualitet CNA

Deputeti socialist Alket Hyseni, ka komentuar vonesën e dekretimit nga presidenti Ilir Meta për Sandër Lleshin,  propozimin e kryeministrit Edi Rama, për të zëvendësuar të dorëhequrin Fatmir Xhafaj, në postin e ministrit të Brendshëm.

Duke folur nga studio e emisionit ?45 minuta? në Report Tv, Hyseni është shprehur se Lleshi i ka të gjitha cilësitë e nevojshme për kryerjen e detyrës.

Sipas Hysenit, Meta është brenda afatit ligjor të 7 ditëve, ndërsa shton se dekretimi i Lleshit nuk do të vonoj, pasi nuk mendon se presidenti do të shkelë kushtetutën.

Ndër të tjera deputeti socialist ka thënë, se Meta po e shqyrton dekretin nga pikëpamja honorifike.

“Gjeneral Lleshi është një personalitet, që ka punuar pranë kryeministrit. Kam besim që kandidati për ministër i ka të gjitha cilësitë e nevojshme për një ministër dhe jam i bindur që do të kryejë atë detyrë. Presidenti ka 7 ditë afat. Në krye të 7 ditëve është i detyruar të shprehet për dekretin. Brenda këtyre ditëve mund të bëjë verifikimet e nevojshme për kriteret formale. Presidenti shqyrton dekretin nga pikëpamja honorifike. Nuk shikoj asnjë ngërç. Besoj që Meta do të sjellë dekretin ditën e shtunë në parlament. Besoj që Presidenti në përmbushje të afatit do e dekretojë emërimin e ministrit të ri dhe parlamenti në seancën e radhës do të emërojë ministrin e ri. Nëse nuk dekretohet? Ministri në detyrë Xhafaj do të vazhdojë. Por nuk mendoj se këshilltarët e presidentët do të çmenden, nuk mendoj se do i lerë presidenti që të çmenden. Nuk mendoj se Presidenti do të shkelte Kushtetutën. Po nëse do ta shkelte? Pasojat janë në Kushtetutë. Jam i bindur se Presidenti nuk do ta çojë veten të shkelë Kushtetutën”, tha Hyseni. CNA.al





12:33 Aktualitet

Çibanizmi

Nga Ilir Levonja* Sa herë që ndodh diçka mes Shqipërisë dhe ...

Lajmet e fundit nga