web counter
LEXO PA REKLAMA!

SHKARKO APP

App Store
Google Play

Foto+video-Lumë drogë drejt Greqisë/ Në pranga 47-vjeçari

31 Tetor 2018, 07:59, Aktualitet CNA

Një sasi prej 3 kilogramë e 545 gramë lëndë narkotike e dyshuar kokainë është sekuestruar në pikën kufitare të Kakavijës, në Gjirokastër, ndërsa është bërë i mundur edhe arrestimi i poseduesit të drogës.

Kokaina është zbuluar në një makinë Mercedes Benz, me ngjyrë të zezë që drejtohej nga një 47-vjeçar nga Fieri.

?Në vijim të kontrolleve të vazhdueshme për goditjen e veprimtarisë kriminale të trafiqeve te paligjshme në fushën e krimeve ndërkufitare, nga ana e punonjësve të Policisë Kufitare  Kakavije, u përzgjodh për kontroll të detajuar në vijën e dytë automjeti i markës ?Mercedes Benz?, me targa AA216TF, me drejtues shtetasin  Selim Lazaj, vjeç 46, banues në Patos, Fier.

Gjatë kontrollit të detajuar në bashkëpunim me shërbimet doganore, duke përdorur edhe skanerin, u konstatua se në baterinë e automjetit, gjendeshin të fshehura dy pako të mbështjella me natriban të dyshuara me lëndë narkotike të llojit Kokainë.

Menjëherë në vendngjarje kanë mbërritur grupi hetimor dhe Specialistët për Hetimin e Narkotikëve në DVP Gjirokastër.

Nga peshimi i pakove rezultoi se brenda tyre kishte një sasi prej 3 kilogramë e 545 gramë lëndë narkotike të dyshuar Kokainë, e cila u sekuestrua në cilësinë e provës materiale.

Në përfundim të veprimeve të kryera nga Specialistët për Hetimin  Narkotikëve u bë arrestimi në flagrancë i shtetasit të lartpërmendur për veprën penale ?Trafikimi i narkotikëve?.

Materialet u referuan në Prokurorinë pranë Gjykatës së Shkallës së Parë për Krimet e Rënda Tiranë. Neni 283/a i Kodit Penal.?-thuhet në njoftimin e policisë./CNA.al





Lajmet e fundit nga