web counter
LEXO PA REKLAMA!

SHKARKO APP

App Store
Google Play

E fundit!

x

Skandali-Ndodh në Shqipëri /Ligj kundër pijeve të shpifura imperialisto-revizioniste

29 Tetor 2018, 10:28, Aktualitet CNA

Qesharake, por realitet shqiptar. Nuk lejohet në mëmëdheun tonë reklama e Babagjyshit të Coca Colës, ka orar të caktuar dhe kur i do qejfi deputetit socialist Erjon Braçe.

Dje CNA.al denoncoi ndryshimet ligjore, të cilat duken një idiotësi, por vetë Braçe në një komunikim konfidencal thekson se nuk ka kufizim të pijeve me gaz dhe sheqer të shtuar, por vetëm kufizim të reklamave të tyre.

Në fakt projektiligji qw ka faqja zyrtare e Kuvendit e kundërshton deputetin. Ky i fundit pretendon se ka sjellë në Shqipëri versionin e Tereza May në Angli, pra ligjin Britanik.

Si tifoz i Anglise, Braçe nuk duket keq, por kur i bën lëmsh me inatet corba bëhet e neveritshme. CNA.al në fakt sillte argumentin e pijeve të gazuara me sheqer të shtuar dhe aspak nuk kishte në vëzhgim energjiket, gjithsesi i garantuam deputetit investigim të plotë dhe në kryeqendrën e BE, në Gjermani.

Faktet dhe investigimin do e sjellim më tej të plotë, duke shkuar së bashku me një adoleshent në bar, restorant, market e ku të dojë zoti Braçe duke blerw apo pirë, pije me sheqer të shtuar me gaz apo energjike. Pra, nën moshën 18 vjeç, që mos ketë më asnjë dyshim deputeti Rilindas, megjithëse socialist i vjetër i keq përdorur dhe lënë mënjanë nga Rilindja.

Edhe teza se ka sjellë versionin anglez bie. Së pari për faktin se Shqipëria po shkon drejt BE-sw dhe ndjek ato direktiva, jo ato të Braçes si tifoz. Se Tereza May po e mori vesh që një ushtar i Rilindjes dhe bën të tilla ligje idiote duke tërhequr zvarëparlamentin dhe është tifoz i saj dhe Anglisë, do djegë veten në mes të Londrës.

Së dyti në Angli i ndalojnë edhe për moshat e mëdha mbi 60-vjeç, Braçe është ende i ri, por atëherë kur janë gati apo në moshën e tretë shumë njerzve nuk ju bën derman as vjagra, e jo më pijet me gaz dhe sheqer të shtuar apo ato energjike.

Në fakt në një moshë kur ke tension, s?të bëjnë ministër, ke inat dynjanë, nuk ka jo pije energjike, por as doktor që të bën derman, edhe po nuk e ka mbiemrin Berisha. Doktori t’i ndalon për të tjera arsye.

Ligji i fundit i parlamentit nuk është gjë tjetër vetëm një inat i një deputeti, dhe një sjellje banale. Pa folur që duket si një reagim kundër imperializmit amerikan dhe coca cola-s, apo atij austriak kundër Red Bull.

Askush nuk vret apo mbledh mendjen se të tilla aksione, duke vepruar për inate personale e tifozëri mund të sjellin pasoja të forta ligjore dhe kanë çdo dyshim të mundshëm që vijnë nga klane klienteliste. Por, çfarë rëndësi ka kjo. Paratë do dalin sërish nga xhepat e shqiptarëve, jo të deputetëve inatçinj dhe të marrosur./CNA.al





Lajmet e fundit nga