Nga bordet tek pronat e shtetit/ Si përfitojnë zyrtarët e partive

29 Tetor 2018, 10:12, Aktualitet CNA

Zyrtarë të lartë të zgjedhur në Parlament, në borde si pjesë të partive të ndryshme, por që duhet të përfaqësojnë interesat e opinionit publik, në fakt kapen më shumë se çdo kush tjetër duke përfituar dy herë. Së pari, duke u zgjedhur, dhe së dyti nga mundësitë që të jep kjo karrige.

Dhe për të bërë të mundur frenimin e abuzivizmit dhe përfitimeve të zyrtarëve shtetërorë, ekziston edhe ligji për konfliktin e interesit apo edhe ligje të tjera, të cilat rregullojnë mënyrat sesi zyrtarët e shtetit, të zgjedhurit nga Parlamenti duhet të veprojnë për të përfituar, ose në rast se e kanë të ndaluar ose jo nga hapësirat e ndryshme dhe mundësitë që të ofrojnë ligjet e shtetit shqiptar.

CNA.al ka kryer një investigim të plotë në lidhje me dhjetëra e dhjetëra zyrtarë të ndryshëm të zgjedhur nga Parlamenti apo funksionarë që mbajnë detyra të rëndësishme shtetërore, të cilat në konflikt të hapur me interesin apo duke shkelur ligjin kanë mundur të sigurojnë kontrata fitimprurëse nga brenda shtetit.

Pra, së pari kemi kaluar në ?sitën? tonë le të themi, një pjesë të zyrtarëve të cilët mbajnë poste të rëndësishme publike, apo janë zgjedhur nga parlamenti dhe a kanë përfituar këta individë të ndryshëm nga vetë shteti. Pra, nga institucione të ndryshme të qeverisë shqiptare dhe a janë në një konflikt interesi.

Po risjellim gazetarin dhe pedagogun Zylyftar Bregu, i shkruar nga ne disa dite me parë dhe i lënë ne haresë. Ende institucionet pergjegjese nuk po reagojne. Një personazh, i cili njihet edhe nga opinioni publik, dhe që është anëtar i bordit të AMA-s (Autoriteti i Mediave Audio-vizive?. Pedagogu Bregu, i cili është edhe pjesë e stafit të fakultetit të Histori-Filologjisë, në degën e Gazetarisë, ka përfituar sipas një kontrate të cilën e keni më poshtë, të lidhur me Ministrinë e Bujqësisë në vitin 2015, një sipërfaqe prej 4.82 hektarë.

Bregu është zgjedhur anëtar i bordit të AMA-s, dhe me një procedurë të rregullt nga parlamenti shqiptar, si një përfaqësues i Lëvizjes Socialiste për Integrim. Dhe me detyrën që mban ligji atë që të përfitojë kontrata apo përfitime të ndryshme nga shteti shqiptar, apo institucionet e tij.

Por, çfarë ka ndodhur?

CNA.al ka siguruar një kontratë të datës 2 korrik 2015, ku Zoti Bregu ka mundur të sigurojë nga Ministria e Bujqësisë një kontratë për një sipërfaqe prej 4.82 hektarë tokë, për të mbjellë ullinj dhe mandarina.

Nuk do të kishte asgjë të keqe që personi fizik, ashtu sikundër është regjistruar zoti Bregu në Qendrën Kombëtare të Biznesit, të kishte kryer biznes.

Por, duke qënë se është anëtar i një bordi të pavarur, ashtu siç konsiderohet dhe e njeh ligji Autoritetin e Mediave Audio-Vizive, Bregu rezulton të jetë në shkelje të ligjit.

Sipas kontratës thuhet se pedagogu i gazetarisë ka përfituar 4.82 hektarë tokë në Picar të Bashkisë Vorë, në qarkun e Tiranës. Një kontratë e cila për një sipërfaqe toke, e cila do të jetë me qera për 90 vjet, dhe me një qera prej 8 mijë lek të reja. Pra, vetëm 80 mijë lek të vjetra për hektarë në vit. Me një shumë totale prej 385 mijë lek të vjetra.

Pra, ndoshta gjysma e rrogës së pedagogut në muaj apo pagesa e një muaj apo pak më shumë se një muaj tek AMA për qeranë e një viti për rreth 5 hektarë.

Këto janë disa nga hapësirat që ka ligji, janë tarifat e vendosura vetë nga shteti dhe pedagogu i gazetarisë dhe anëtari i bordit të AMA-s, Zylyftar Bregu ka shkuar e ka lidhur një kontratë, të cilën ne po e sjellim më poshtë.

Nuk duam të bëjmë asnjë koment. Nuk duam aspak ta sulmojmë pedagogun e Universitetit të Tiranës, por ashtu si lista e personave të tjerë, ne do të sjellim çdo zyrtar të institucioneve shqiptare, të cilët duke përfituar nga hapësirat ligjore kanë mundur të sigurojnë kontrata me institucione të ndryshme publike.

Në rastin e Ministrisë së Bujqësisë, në atë kohë ky institucion drejtohej nga zoti Edmond Panariti, ish-ministër i LSI-së dhe ?rastësisht? edhe pedagogu Bregu është zgjedhur në AMA si përfaqësues i LSI-së, pra, nga një parti.

Njëri ministër, tjetri shkon si përfaësues në një institucion publik të pavarur dhe më pas lidh një kontratë për rreth 5 hektarë tokë. Biznes me nipt nga personi fizik Zylyftar Bregu, e kështu me radhë.

Pra, jemi në ato raste kur një zyrtar i shtetit apo përfaqësues në një institucion të pavarur ka përfituar nga një institucion, siç është Ministria e Bujqësisë. Gjithçka tjetër, ne e thamë më sipër.

Më poshtë CNA.al po sjell një kopje të dokumentave që ka siguruar. Këto dokumenta janë siguruar nga Ministria e Bujqësisë pas kërkesës së bërë nga ana jonë, të cilat ne po i sjellim në opinionin publik. Për gjithçka ka ndodhur, dokumentat flasin qartë sesi një zyrtar i lartë i një institucioni publik dhe të pavarur shkon dhe përfiton kontrata qeraje dhe troje në përdorim, ndërkohë që si ky rast janë dhjetëra të tjera.

Në qoftë se do të kishte një shembull më të mirë, shembulli më i mirë do të ishin pikërisht institucionet e pavarura. Përfaqësuesit e këtyre institucioneve, ata që duhej të ishin zbatuesit kryesorë të ligjit dhe duhet të tregonin integritet dhe jo të përfitonin nga hapësira të ndryshme ligjore.

Më poshtë kontrata e plote e Zylyftar Bregut, përfaqësuesit të zgjedhur nga Parlamenti në AMA dhe Ministrisë së Bujqësisë, në kohën kur kjo e fundit drejtohej nga Edmond Panariti. /CNA.al