E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Video-“Menaxheri” arreston dy persona/ Sekuestrohet dy kg kokainë

29 Tetor 2018, 08:09, Aktualitet CNA

Në vijim të operacioneve për kapjen e personave të përshfirë në krim të organizuar e trafik droge, policia ka bërë të mundur arrestimin e dy personave.

Mësohet se në pranga kanë rënë shtetasit Taulant Lala 29 vjeç, dhe Adnand Bufi 22 vjeç, të dy banues në Shkozet, Durrës.

Aksioni u zhvillua mbrëmjen e djeshme tek zona e quajtur ?Ura e Dajlanit?, në kuadër të operacionit të koduar “Menaxheri”. Pas një hetimi 2 mujor, policia arriti të vërë në pranga 2 persona, identitetet e të cilëve nuk bëhen ende me dije.

Nga ky operacion janë sekuestruar 2 kg kokainë. Policia po vijon hetimin për kapjen e personave të tjerë të përfshirë në ngjarje.

Njoftimi i policisë:

Finalizohet operacioni policor i koduar “Menaxheri”.

Pjesën e Airbag të automjetit e kishin përshtatur për të vendosur lëndën narkotike Kokainë.

Sekuestrohet 2 kilogramë lëndë narkotike e dyshuar Kokainë.

Arrestohen në flagrancë dy shtetas.

Specialistët e Seksionit për Hetimin e Trafiqeve të Paligjshme dhe Narkotikëve në Drejtorinë Vendore të Policisë Durrës, pas informacioneve të siguruara në rrugë operative kanë finalizuar me sukses operacion policor të koduar”Menaxheri”.

Janë arrestuar në flagrancë shtetasit:

Më datë 28.10.2018, në lagjen Nr.14, Shkozet, Durrës pas vëzhgimit të personave të lartpërmendur, të cilët udhëtonin me një mjet tip BMË, ( T.Lala – drejtues dhe A.Bufi – pasagjer ) , në afësi të vendit të quajtur “Ura e Dajlanit” kanë dalë nga mjeti.

Janë ndjekur nga Forcat Operacionale të D.V.P. Durrës pasi nuk i janë bindur urdhrit të punonjësve të policisë që të ndalojnë.

Gjatë kontrollit në automjet, u konstatua një vend i modifikuar tek kapaku i Airbag.

Gjatë kqyrjes nga ana e uniformave blu u gjetën dhe sekuestruan në cilësinë e provës materiale 2 pako të mbështjella me plasmas transparent me peshë rreth 2 kilogramë lëndë narkotike e dyshuar e llojit Kokainë.

Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Prodhimi dhe shitja e lëndëve narkotike” në bashkëpunim dhe “Mosbindja ndaj urdhrit të punonjësit të policisë së rendit publik ” parashikuar në nenet 283/2 dhe 242 të Kodit Penal.