web counter
LEXO PA REKLAMA!

SHKARKO APP

App Store
Google Play

E fundit!

x

Thellohen hetimet për Adriatik Llallën/ Si e “fundosi” Arta Marku ish-kryeprokurorin

26 Tetor 2018, 06:58, Aktualitet CNA

Prokuroria e Krimeve të Rënda ka kërkuar më shumë kohë për të mbyllur dosjen e hetimeve ndaj ish-kryeprokurorit Adriatik Llalla. Gazeta Sot shkruan se në fillim të muajit organi i akuzës ka zgjatur afatet hetimore ndaj Llallës, duke thelluar procedurat me qëllim grumbullimin e provave dhe kryerjen e procedurave hetimore.

Ajo që bie në sy është se iniciatorja e hetimeve për Llallën ka qenë Prokuroria e Përgjithshme e Përkohshme, Arta Marku. Pasi SHBA e shpalli Llallën non grata dhe në media nisën të qarkullojnë foto të jetës së luksit të fëmijëve të ish-kryeprokurorit, më datë 28.02.2018, nga ana e Prokurorisë së Përgjithshme është dërguar shkresa nr.130 në Prok. e Durrësit. Pra duket se ka qenë Arta Marku ajo që ka hapur rrugën e hetimeve ndaj Llallës, fillimisht nga Prokuroria e Durrësit, e më pas nga Krimet e Rënda.

Rreth 6 institucione dhe partnerë ndërkombëtarë janë angazhuar në procesin hetimor ndaj ish-kryeprokurorit. Hetimet koinciduan në periudhën kur po zhvillohej vetingu ndaj Llallës dhe KPK më datë 13.03.2018 ka dorëzuar në Prokurorinë e Durrësit të gjithë materialin që kishte siguruar nga procesi hetimor. Llalla kërkoi të largohej nga vetingu në një kohë kur ishte mbyllur verifikimi për të dhe KPK kishte konstatuar mjaft shkelje.

Shkeljet kanë të bëjnë me çështjen e pasurisë dhe për këtë arsye prokuroria ka kërkuar informacione dhe nga Inspektorati i Lartë i Deklarimit dhe Kontrollit të Pasurive, duke marre të dhënat e deklarimit të pasurisë nga vitit 2003 e deri në 2017 nga zoti Llalla.

Në këto deklarata është vënë re se ka pasur shitje të shumta pronash dhe ndryshim të vlerës së tyre. Në këtë kuadër është angazhuar dhe Drejtoria e Pastrimit të Parave, e cila kishte kryer hetime ndaj Adriatik Llallës sa i takon vetingut dhe të dhënat i kishte dorëzuar në ILDKP. Ajo që ka ?fundosur? Llallën është se nga verifikimet që janë bërë në banka, ai ka kryer një sërë transaksionesh, mes të cilave dhe me një person të dënuar, të cilit i ka shitur prona.

Përveç Prokurorisë së Përgjithshme, ILDKP, KPK dhe Pastrimit të Parave, në ndihmë të Krimeve të Rënda kanë ardhur dhe Drejtoria e Përgjithshme e Doganave dhe policia kufitare. Këto institucione kanë dhënë informacione në prokurori se subjekti Adriatik Llalla nuk ka deklaruar në kufi shumë të mëdha parash mbi 1 milionë lekë të reja. Ligji detyron çdo shtetas që kur ka mbi 1 milionë lekë duhet t?i deklarojë, por Llalla nuk e ka bërë këtë gjë dhe ndaj tij ka nisur një hetim dhe për mosdeklarim të të hollave në kufi.

Asistenca më e madhe po jepet dhe nga SHBA. Vetë DASH deklaroi se ka prova për shpalljen non grata të ish-kryeprokurorit dhe në këtë aspekt po bashkëpunohet me ambasadën amerikane.





Lajmet e fundit nga