web counter
LEXO PA REKLAMA!

SHKARKO APP

App Store
Google Play

Basha flet me emra/ Kush i bleu votat në Dibër

25 Tetor 2018, 21:28, Aktualitet CNA

Kryetari i opozitës, Lulzim Basha, nëpërmjet një lidhjeje audio me emisionin ?Të paekspozuarit? në News 24, akuzoi kreun e Bashkisë së Durrësit, Vangjush Dakon për blerje votash.

Gjatë fjalës së tij, Basha nuk la pa përmendur  ish-ministrin e Brendshëm, Saimir Tahiri, Ministrin e Infrastrukturës dhe Energjitikës, Damian Gjiknurin dhe deputetin socialist, Ulsi Manja.

Sipas kreut të opozitës, në përgjimet e Prokurorisë, rezultojnë mbi 10 orë komunikime të socialistëve me banditët, përfshi dhe kryeministrin Edi Rama.

?Çështja që shtrohet sot në debat është shumë më e madhe se e Dakos apo e kryebashkikëve apo deputetëve të tjerë të Ramës që siç i kemi denoncuar dhe ne, si në zgjedhjet e Dibrës ku figurojnë dy ministra e deputetë në blerjen e votave, Gjiknuri apo Ulsi Manja të gjitha këto nuk janë simptoma të një problemi që në Shqipëri ka ardhur duke u rënduar. Të një krimi siç është krimi elektoral. Të gjitha provat ligjore të mbledhura në procesin hetimor të nisur nga prokuroria ku gjatë përgjimit të bandave kriminale siç është banda e Avdyljave apo Ndoka kanë rezultuar dhjetëra orë bisedime telefonike dhe mijëra sms të shkëmbyera mes trafikantëve, banditëve me politikanë përfshirë Edi Ramën.
Duke nisur nga Saimir Tahiri dhe Damian Gjiknuri tek Vangjush Dako një politikan bandit që e ka kthyer Durrësin në një zonë të lirë për krimin e deri tek shtrirja kapilare e këtij problemi nga Tropoja në Sarandë. Sot kemi një pushtet ilegjitim, një parlament ilegjitim që ndodhen aty jo për shkak të votës së qytetarëve?, tha Basha. /CNA.al





Lajmet e fundit nga