web counter
LEXO PA REKLAMA!

SHKARKO APP

App Store
Google Play

Mashtrimi i ri ndaj përdoruesve të iPhone, ky është emaili që duhet ta shmangni patjetër

24 Tetor 2018, 13:53, Lifestyle CNA

Një tjetër grup kriminelësh kibernetikë kanë vënë në shënjestër përdoruesit e iPhone-ve.

Mashtrimi i radhës vjen në formën e një email-i që duket të jetë nga shërbimi i transmetimit muzikor ?Spotify? dhe pretendon të jetë konfirmim i blerjes.

Në email-in e rremë, pre e të cilit nuk duhet të bini, thuhet se përdoruesi ka shpenzuar 115 funte në një abonim premium dhe ofron një hiperlink për ata që ?të rishikojnë abonimin e tyre?.

Klikimi çon në një faqe me pamje autentike që kërkon detajet e identifikimit të Apple. Natyrisht, detajet tuaja të logimit shkojnë drejt kompjuterëve të mashtrimit kibernetik.

Mashtrimi më i ri ndaj përdoruesve të iPhone është bërë i ditur në rrjetin Reddit.

Dorëzimi i informacionit personal do t?u japë kriminelëve kibernetikë kontroll të plotë mbi një llogari Apple. Kjo do të thotë se ata do të kenë qasje në fotot, videot ose ndonjë informacion tjetër të ruajtur në një llogari të iCloud.

Apple, nga ana tjetër ka njoftuar se nuk do të kërkojë kurrë kredencialet e identifikimit të përdoruesve.

Apple thotë se kushdo që ka marrë një email të tillë  që mendojnë se është mashtrim, duhet ta dërgojë në [email protected] për ta raportuar.





Lajmet e fundit nga