E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Basha shpartallon PD-në dhe strukturat

13 Tetor 2018, 16:51, Aktualitet CNA

Gazetari Elvi Fundo ka komentuar situatën brenda Partisë Demokratike nëpërmjet një lidhje me Skype për FaxNews.

Fundo ka lëshuar akuza të forta ndaj kreut të opozitës, Lulzim Basha, duke thënë se ka shaktërruar strukturat organizative të partisë.

Më tej ai ka shtuar se nëse vendi shkon në zgjedhje të parakoshme, Basha e ka të sigurt humbjen, pasi nuk mund të triumfojë përballë Ramës, kur ka vjedhur në shtëpinë e tij.

Ndër të tjera Fundo është shprehur se Basha e ka kthyer PD-në nga një strukturë të madhe në një qelizë të vogël, që kërkon ta mbajë peng për qëllime personale.

?Shumë degë të PD janë të shpartallluara. Dega e Durrësit me ndryshimin e shpeshtë të kryetarëve e njëjta situatë është edhe me Tiranën ku është shkatërruar komplet organizimi. Nuk janë zhvilluar zgjedhjet brenda partisë për 5 vjet. Ndodhi konfirmimi i Lulit. Një njeri që vjedh në shtëpinë e tij si mund të fitojë zgjedhjet me bashkëpunëtorin e tij. Mendoj që më i fortë është qytetari dixhital dhe jo studiot e kunatit ku fabrikohen çështjet. Zyra e kunatit mund të jetë e mirë për PR, por nuk ka konceptin e të bërit politikë. Së pari Basha duhet të japë dorëheqjen. Ka një PD të përcarë në bazë, ka një dëbim të njerëzve. E kanë kthyer PD në një qelizëtë vogël që duan ta mbajnë peng për qëllime personale. Duke parë organizmin humb shpresa se mund të rrëzojnë qeverinë dhe të financojnë zgjedhjet e parakohshme. Po kërkohen kandidatë që kanë fuqi financiare për të fituar fushatën. Në krahasim nga Berisha që kërkonte intelektuale. Po hyn në qerthullin e Rilindjes. Po përpiqen të evidentojnë një grup emrash po e kanë të pamundur për shkak të mungesës së organizmimit. Që të kthehet besimi te lidershipi Luli duhet të sjellë paqtimin. Përsa kohë vazhdon kjo situatë emrat nuk afrohen. PD sot ka 230 mijë vota më pak. Në shumë qëndra votimi PD nuk ka pasur vëzhgus dhe komisionerë. Ajo që po ndodh me organizmin do ta shkatërrojë më tej?, tha Fundo. /CNA.al