web counter
LEXO PA REKLAMA!

SHKARKO APP

App Store
Google Play

Prokuroria tund prangat/ Salianji zyrtarisht nën hetim

10 Tetor 2018, 08:21, Aktualitet CNA

Zhvillime të reja kanë ndodhur në lidhje me çështjen e audio-përgjimit ?Babale?. Një audio-skandal i publikuar nga PD rreth 5 muaj më parë, ku opozita pretendon se Agron Xhafaj, vëllai i ministrit të Brendshëm Fatmir Xhafaj shfaqet duke bërë pazare droge.

Pas marrjes së akt-ekspertizës së audios, pak ditë më parë, Prokuroria për Krimet e Rënda ka ngritur aktakuzë ndaj Albert Veliut, apo i njohur ndryshe si ?Babale?,  Alfred Alizotit, i cili dyshohet të jetë njeriu i cili ka interpretuar si Agron Xhafaj si dhe gazetarit Jetmir Olldashi.

Ndërkohë tek Krimet e Rënda, dëshmoi edhe personi i cili publikoi audio-përgjimin, deputeti i Partisë Demokratike, Ervin Salianji.

Por, CNA.al nga burime të sigurta ka mësuar se Prokuroria për Krimet e Rënda ka rithirrur deputetin Ervin Salianji dhe këtë herë jo si person që ka dijeni mbi ngjarjen, por si person nën hetim.

Pra, deputeti Salianji është tashmë zyrtarisht nën hetim nga Krimet e Rënda, në lidhje me çështjen ?Babale?.

Duket se laku po shtrëngohet për deputetin demokrat, për të cilin Gjykata pritet të kërkojë edhe heqjen e imunitetin.

Ervin Salianji dyshohet se është strumbullari i gjithë skandalit të audios dhe njeriu që ka ndërtuar gjithë trukun dhe ka premtuar 200 mijë eurot për realizimin e skenarit ?Babale?./CNA.al

Ekskluzive/ Prokuroria për Krimet e Rënda thërret Salianjin si person nën hetim





Lajmet e fundit nga