web counter
LEXO PA REKLAMA!

SHKARKO APP

App Store
Google Play

I dashuri i Elvana Gjatës në arrati/ Zbulohet lidhja me Saimir Tahirin ?

9 Tetor 2018, 10:52, Aktualitet CNA

Gjatë një bashkëbisedimi me gazetarët, kryetari i Partisë Demokratike, Lulzim Basha ka reaguar sot në lidhje me ngjarjen e mbrëmjes së të enjtes në një lokal në zonën e ish-bllokut, ku një person mbeti i vrarë me armë zjarri dhe dy të tjerë u plagosën.

Lulzim Basha ka ngritur dyshime të forta në lidhje me ngjarjen në fjalë, ndërsa ka hedhur poshtë pretendimet se vrasja ndodhi për këngëtaren Elvana Gjata.

?Ngjarja në Tiranë është përplasje për pazare droge, ku janë të përfshirë trafikantë të njohur dhe me lidhje me pushtetin?-tha ndër të tjera Basha.

Më tej, Basha ka rikthyer në vëmendje edhe ish-ministrin e Brendshëm Saimir Tahiri, për të cilin tha se ka udhëtuar në Gjermani me Ervin Matën, i cili është shpallur në kërkim nga policia.

?Ngjarja e fundit në Tiranë, që na u shit për katër ditë si përplasje për një këngëtare, është një përplasje për pazare droge. Janë të përfshirë trafikantë të njohur dhe dokumentuar me lidhje me pushtetin. E mbani mend kur Sajmir Tahiri u nis për në Gjermani, pasi ktheu pasaportën? E dini me kë ishte në Gjermani? Me këtë Matën e përfshirë në lokal, në goditjen me armë midis bandave rivale?, deklaroi Basha..

Ai tha se bëhet fjalë për pazare kokaine. ?Në këtë gjendje që është vendi opozita nuk bën dot prokurorinë por ka për detyrë të paraqesë një alternativë. Ajo që tregon ngjarja e bllokut është se shqiptarët nuk janë më të sigurt në asnjë cep të vendit. Krimi është aty me kobure në brez ulur në të njëjtat tavolina me politikanët kryesorë. Në këtë gjendje ku ndodhet Edi Rama ka kaluar në një fazë të re, në fazën e manipulimit. Për 5 vite mohoi drogën. E keni në intervista, deklarata. Nuk mbeti njëri në botë pa e marrë vesh që Shqipëria u kthye në depo droge dhe pranë e mohon?, tha kreu i PD./ CNA.al





Lajmet e fundit nga