web counter
LEXO PA REKLAMA!

SHKARKO APP

App Store
Google Play

E fundit!

x

Gazetari Jetmir Olldashi nxjerr zbuluar deputetin e PD-së

8 Tetor 2018, 18:57, Aktualitet CNA

Pak më parë Top Channel ka zbuluar një pjesë të dosjes hetimore që Prokuroria e Krimeve të Rënda ka bërë për skandalin “Babale”. Një hetim i cili duket se ka zbuluar që gjithçka ishte një skenar i përgatitur në koridoret apo në paradhomën e Lulzim Bashës. Një skenar qesharak që nuk i shkon opozitës në fakt, por dhe kaq i turpshëm që përmbysi një kauzë, atë të kriminalitetit që akuzonte ministrin e Brendshëm, Fatmir Xhafaj dhe e ktheu në flluskë sapuni.

Në rast se do bëjmë pak kthim në kohë kujtojmë që deputeti Enkelejd Alibeaj dhe ish-ministri Gazmend Bardhi filluan të denonconin vëllain e ministrit Xhafaj, Agron Xhafaj, i cili qe një person me precedentë penal dhe njeri i botës së krimit në Itali. Por këto denoncime më pas u ndërprenë pas një audio-përgjimi dhe u kthyen në një skandal ku dëgjohej me pretendimin e PD-së, prezantuar nga deputeti Ervin Salianji e më pas edhe Lulzim Basha, se ishte vëllai i Ministrit që fliste me “Babalen”.

Por çfarë ndodhi?

Filluan hetimet. Prokuroria sot sipas Top Channel ka nxjerrë detaje ku rezulton se audio-përgjimi ka qenë thjesht një pazar, një pazar për disa dhjetëra e mijëra euro, një pazar me skenar të përgatitur në koridorin e PD-së. Me sa duket me shume gjasa ka dirigjent Ervin Salianjin dhe këtë e ka nxjerrë jo vetëm hetimi, por edhe gazetari Jetmir Olldashi.

Këtu po ju sjellim dy detaje krahasuese

Atë të Top Channel nga kronika dhe atë të gazetarit Jetmir Olldashi thënë në televizionin Klan. Ashtu siç thanë edhe burime nga Prokuroria, të cilat kërkuan edhe detyrim paraqitje për gazetarin rezulton se ai është kontradiktor në qëndrimet e tij.

Në TV Klan ai ka thënë publikisht se ka qenë ai që e ka kryer të gjithë investigimin, por nuk ka shkuar në katin e dytë kur është bërë regjistrimi dhe më pas këtë përgjim ia ka dorëzuar edhe deputetit Ervin Salianji, e më pas çështja ka shkuar tek Basha dhe është bërë denoncimi në publik.

Por nëse do të shohim rrëfimin e tij në Prokurori, sipas kronikës së Top Channel rezulton se personat në fjalë kanë takuar Ervin Salianjin dhe më pas referuar kronikës është ai  që i çon tek gazetari Jetmir Olldashi.

Pra me deklaratat kontradiktore gazetari nxjerr zbuluar deputetin e PD-së dhe duket se gjithçka po thellohet edhe më tej dhe duket të jetë më problematike. Në fakt te kronika e dhënë dhe te dokumentet e zbuluara duket se bëhet fjalë për disa qindra, mijëra dollarë dhe askush nuk mund ta besojë se Jetmir Olldashi ka kaq shumë para sa të japë për të inskenuar audio-përgjimin për PD-në, të cilat më pas t’ia japë Salianjit dhe t’i nxjerrë Lulzim Basha.

Këtë e nxjerrin zbuluar edhe bisedat midis dy autorëve të audio-përgjimit, pra audio-montimit.

Një audio-montazh i inskenuar që trazoi dhe turbulloi jetën politike në vend dhe përgjegjës ka minimalisht një deputet të PD-së, edhe vetë Lulzim Bashën, i cili duket të jetë skenaristi i saj në paradhomë ku kanë qendruar deputet, gazetarë apo të tjerë personazhe./ CNA.al





Lajmet e fundit nga