Paketa anti-shpifje/ Zgjidhja, akuza të forta Qeverisë

8 Tetor 2018, 18:04, Aktualitet CNA

Partia Zgjidhja me kryetar ish-deputetin socialist, Koço Kokëdhima, ka reaguar, pas propozimit nga qeveria për paketën anti-shpifje.

Në një deklaratë të postuar në rrjetet sociale, Zgjidhja shprehet se qeveria ka kërcënuar denoncuesit e krimit dhe të korrupsionit qeveritar me hartimin e paketës ?anti-shpifje?.

Ndër të tjera në reagimin e Zgjidhjes shkruhet se nuk është e rastit pse kjo temë rikthehet në tryezën e qeverisë tre vite pasi ishte propozuar, kur qytetarë kurajozë dhe ato pak media jashtë tutelës së qeverisë renditin skandalet kriminale dhe korruptive të zyrtarëve të qeverisë dhe të familjarëve të tyre.

Postimi i plotë

Pa fjalë të lirë nuk ka BE

Qeveria ka kërcënuar denoncuesit e krimit dhe të korrupsionit qeveritar me hartimin e paketës ?anti-shpifje?. Nuk është e rastit pse kjo temë rikthehet në tryezën e qeverisë tre vite pasi ishte propozuar, kur qytetarë kurajozë dhe ato pak media jashtë tutelës së qeverisë renditin skandalet kriminale dhe korruptive të zyrtarëve të qeverisë dhe të familjarëve të tyre.

ZGJIDHJA e denoncon këtë tentativë të qeverisë si kërcënim të hapur ndaj fjalës së lirë dhe medias së pavarur dhe si një grusht ndaj ligjeve që BE inkurajon të implementohen në luftën kundër krimit, korrupsionit dhe abuzimit nga zyrtarët. Nisma e qeverisë është në kah të kundërt me ligjin e propozuar nga Komisioni Europian për ?mbrojtjen e sinjalizuesve? që denoncojnë krimin, shkeljen e ligjit dhe korrupsionin. Denoncimet kurajoze të qytetarëve do të ndihmojnë në zbulimin, hetimin dhe dënimin e abuzuesve me ligjet e BE-së, por duke u mbrojtur kundër intimidimit dhe kërcënimit.

Shpifësit më të mëndenj në Shqipëri që nuk kanë lënë gjë pa shpifur dhe njeri pa baltosur, dy llogoberët më famëkeqë të tranzicionit shqiptar janë Edi Rama dhe Sali Berisha, të ndjekur nga dishepujt e tyre. Ata kanë ngritur makineritë e tyre të shpifjes dhe të intrigës, për të manipuluar, intimiduar dhe për t?u shplarë trutë shqiptarëve duke përbaltur gjithçka dhe gjithkënd që nuk është në taborret e tyre politike. Partia ZGJIDHJA është kundër shpifjes si instrument për politikën dhe në media. Por qeverisë nuk e ha meraku për pastrimin e informacionit nga shpifjet, por kërkon shtypjen e zërit të lirë. Politika e saj nuk është pastruese, por ndotëse.

ZGJIDHJA përshëndet deklarimet e zv/Presidentit të Parë të Komisionit Evropian, Frans Timmermans se: ?Shumë nga skandalet e kohëve të fundit nuk do të ishin zbuluar asnjëherë nëse personat brenda tyre nuk do të kishin patur kurajon të flisnin hapur.?

Shqipëria, e cila pret të hapë bisedimet me BE-në në qershor 2019, nuk mund të bëjë të kundërtën. ZGJIDHJA i bën thirrje ambasadorit të BE-së në Shqipëri, Luigi Soreca, falë edhe formimit të tij si jurist, që të ndjekë me vëmendje tentativat e qeverisë shqiptare për të mbyllur gojët e denoncuesve të krimit dhe të korrupsionit që ka pushtuar çdo qelizë të administratës dhe të shtetit shqiptar si dhe të garantojë lirinë e medias kurajoze./ CNA.al