web counter
LEXO PA REKLAMA!

SHKARKO APP

App Store
Google Play

E fundit!

x

Si dështoi vizita e Ilir Metës në SHBA

1 Tetor 2018, 15:55, Aktualitet CNA

Presidenti i vendit Ilir Meta zhvilloi një vizitë javore në Shtetet e Bashkuara të Amerikës. Ai ishte në New York në sesionin e 73-të të Asamblesë së Përgjithshme të OKB-së. I vetmi sukses i kësaj vizite të Ilir Metës ishte një foto kortezie, e raportuar kjo me presidentin e SHBA-ve, Donald Trump, e cila bëhet çdo vit nga krerët e shteteve pjesëmarrëse.

Pra përtej një fotoje të caktuar më parë në protokoll, Ilir Meta nuk bëri asgjë në New York. Ishte vetëm vizita e dështuar e një Presidenti.

U raportua fotoja me Presidentin Trump dhe asnjë takim tjetër, i rëndësishëm, i Ilir Metës me krerët e shteteve të rëndësishme europiane, apo takime me personalitete të tjera në SHBA. Pa folur për ndonjë vizitë në departament të shtetit apo diku tjetër.

Meta, bashkë me stafin që i shoqëronte duket se kanë shkuar në New York për të blerë disa rroba, ndoshta për të bërë pak pazar, ashtu si qëmoti kur shqiptarët iknin jashtë të blinin çamçakizë ose diçka tjetër sepse nuk kishin parë.

Kështu ndodhi edhe me Presidentin tonë dhe me stafin e tij, i cili duket se shkoi deri në SHBA për të mbushur bagazhet, për të dalë shëtitje, për të ngrënë ndonjë drekë apo darkë protokollore dhe kaq.

Për më tepër mesa duket as “Zëri i Amerikës” nuk e thirri në studio Presidentin tonë, i cili mesa duket ka filluar vizitat e tij turistike në SHBA, përtej atyre zyrtare.

Kudo që shkon së bashku me stafin e tij mbushin bagazhet me paratë dhe taksat e shqiptarëve dhe kthehen pasi kanë blerë këmisha dhe kostume të rinj, në firma amerikane apo ndoshta nga ato që prodhohen në Europë, por që shiten në tregun e  SHBA-ve. Por të paktën një gjë e kanë bërë, pazari nuk ju ka shkuar keq./ CNA.al





Lajmet e fundit nga