E fundit!

13:07 Aktualitet

Drejtoresha e Kadastrës tregon afatet/ Ja kur mbyllen legalizimet në Shqipëri

Drejtoresha e Kadastrës Shqiptare, Lorena Gaxhobelli, ndau...

Video-Abuzimet me tenderat/ Zbulohen shifrat e frikshme

24 Shtator 2018, 09:46, Aktualitet CNA

Kryetari i opozitës Lulzim Basha ka nisur prezantimin e platformës kundër korrupsionit dhe oligarkisë për çlirimin e ekonomisë.

?Ne do të prezantojmë platformën Antimafia që propozon mekanizmin ligjor dhe institucional për evidentimin, sekuestrimin e pasurive të personave publikë dhe private të përfshirë në afera korruptive tendera, koncensione, PPP.

Nëse një grusht njerëzish përfitojnë gjysmën e fondeve publike në mënyrë jotransparente për afera që nuk sjellin asnjë përfitim publik, thënë ndryshe shërbimi më i madh është të kthejmë kushtet e konkurencës së ndershme, zbatimin e e ligjit.?-tha ndër të tjera Basha.

Ndërkohë, pas Bashës, fjalën e ka marrë deputetja e PD, njëkohësisht nënkryetarja e Komisionit të Ekonomisë, Jorida Tabaku e cila foli për bilancin e abuzimeve në sektorin e tenderave, koncensione, monopoleve.

Sipas deputetes demokrate, 252 milion euro tendera janë dhënë për miqtë e kryeministrit Rama, ndërsa 753 milion euro janë dhënë për fasada, shpenzime luksi, zyra, udhëtime.

?252 mln euro tendera janë dhënë për miqtë e Ramës. 753 milion euro janë dhënë për fasada, shpenzime luksi, udhëtime, zyra. Në 5 vite ka ndodhur ajo që nuk ka ndodhur në 27 vite?-tha Tabaku.

Më tej ajo risolli në vëmendje koncesionet e qeverisë, ndërsa theksin e vuri te Check up, për të cilen tha se është një ndër më abuzivet. Sipas Tabakut është detyruar administrate të plotësojë numrin, me qëllimin e vetëm që kompania e Vilma Nushit të marrë paratë.

Tabaku renditi edhe shumë raste të tjera të abuzimeve me fondet publike apo modelin e ofertave të pakërkuara përmes të cilave po grabiten paratë e taksave të shqiptarëve.

?120 milionë euro vijnë nga taksa e qarkullimit, por pavarësisht kësaj qeveria preferon ti japë rrugët me koncesion. Ligji Fusha për Teatrin është abuzimi më i freskët.

Ofertat e pakërkuara psh. Kemi rastin e aeroportit të Vlorës, ku kompanisë turke ju miratua oferta e pakërkuar. Kemi rastin e një kompanie që merr 261 leje ndërtimi ndërkohë që objekt i aktivitetit të saj janë lojrat e fatit. Kemi rastin e stadiumit me kullë.

Ofertat e pakërkuara, model abuzimi, të cilat e kanë vrarë konkurencën e lirë. Kompanitë e basteve të lidhura me ministrin e Brendshëm, kanë rritur aktivitetet e tyre dhe fitojnë tenderat e monitorimit të tatimeve.”-tha ndër të tjera Tabaku./ CNA.al