web counter
LEXO PA REKLAMA!

SHKARKO APP

App Store
Google Play

E fundit!

x

UET-i, Universiteti i mbytur në borxhe mbijeton me "vaksina"

24 Shtator 2018, 15:30, Aktualitet CNA

Universiteti Europian i Tiranës është një nga Universitetet private, që startuan si kioska. Kisoka universitare, të cilat kur u kontrolluan rreth 5 vite më parë nga Ministria e Arsimit dolën me 1001 probleme.

Por UET asokohe nuk u mbyll. Nuk u mbyll sepse Henri Çili, njeriu i cili ulëriste dhe bërtiste për fitoren e Sali Berishës, menjëherë “e drodhi”, kaloi tek Edi Rama. Së bashku me çetën e tij edhe “zagarët mediatik” u lëshua si bishë që të miratohej ligji i Arsimit të Lartë, i cili i favorizonte klientelën Universiteteve private.

Disa Universitete u mbyllën, por Henri Çili megjithëse me një dosje të trashë me shkelje edhe abuzime mbijetoi. Mbijetoi falë servilizmit të tij politik, e vit pas viti më shumë “e rriti” punën, apo universitetin e tij. Duke marrë paratë e studentëve dhe duke bërë politikë, duke dalë në studiot televizive, duke bërë gazeta, duke bërë reklamat e UET-it me paratë e studentëve, prezantonte disa tarifa dhe reklama a thua se ishte Universiteti më i mirë në Shqipëri.

Në fakt po të shohim rankimet globale, apo rankimet Europiane të Universiteteve, UET-i është ku thërret qameti. Më pas përtej UET-it mund të shohim edhe sjelljen e qeverisë ndaj tij. Ajo ka të bëjë kryesisht me veprimet konkrete ndaj Universiteteve private. Mungesa e kontrolleve, standardet, licensat, por edhe nga akreditimet që në fakt thuajse ishin formale dhe të pavlera. Kjo sepse edhe pse akreditimet janë bërë nuk u kanë dhënë asnjë peshë reale në rankimin botëror, Universiteteve shqiptare, sidomos atyre private.

Por përtej kësaj UET mbetet një nga institucionet arsimore private më problematike. Jo vetëm për cilësinë e arsimit dhe rankimin e tij, por edhe sepse është një mekanizëm i mbytur në borxhe. Një mekanizëm, i cili kërkon të shlyejë kredi disa dhjetëra milion dollarë, që janë marrë nga Henri Çili për UET-in, Ato po shlyhen nga tarifa studentore, duke përdorur reklama, public relationship (PR), gazeta, media, pazare qeveritare politike nga më të pistat ndoshta, duke mbështetur njerëz në klasën politike, duke hyrë dhe duke dalë në treg me emra dhe faktorë të ndryshëm, vetëm e vetëm për të mbijetuar.

Por milionat e dollarëve, janë miliona dollarë borxh në një bankë të nivelit të dytë. Një bankë ku dikur ka drejtuar Artan Santo, i cili shpesh kur Çili ulej në tavolinë rrinte në krah të Grida Dumës. Ky është Universiteti Europian i Tiranës, i mbytur në borxhe që sot kërkon të jetë një nga më kryesorët në tregun e arsimit shqiptar për të mbushur xhepat e Henri Çilit, për të shlyer kreditë.

Kjo duke u paguar nga studentët dhe më pas për t’u përdorur politikisht, ashtu siç ka ndodhur gjatë gjithë viteve të fundit. Tani nën administrimin e një marrëveshje midis bankës edhe Çilit, performanca pritet të “rritet”, të shlyhen borxhet dhe UET-i të kthehet sërish në instrumentin, që Çili e përdorë për qoka, për interesa, por dhe si biznes, megjithëse i mbytur në borxhe, që i intereson atij, për të ndenjur si pjesë e lojës në tregun politik shqiptar./ CNA.al





Lajmet e fundit nga