web counter
LEXO PA REKLAMA!

SHKARKO APP

App Store
Google Play

E fundit!

x

"Furtuna po vjen"/ Paralajmërimi i deputetit demokrat

24 Shtator 2018, 13:20, Aktualitet CNA

Deputeti demokrat Luçiano Boçi  ka qenë i pranishëm ditën e sotme në fshatin Mengël të Elbasanit, ku prej një jave prindërit kanë bojkotuar mësimin.

Ata kërkojnë që fëmijët të rikthehen në shkollën e tyre, duke qenë se kushtet për zhvillimin e mësimit janë të mira.

Në një postim në rrjetet sociale, Boçi shkruan se nxënësit e Mengëlit dërgohen si ?sardele? në Elbasan, për të bërë mësim me turne.

Më tej deputeti demokrat bën me dije se fëmijët i kanë dhënë përgjigje Ministres së Arsimit duke u ulur në banka me thirrjet e tyre ?Duam Shkollën?.

Ndër të tjera Boçi ka shkruar, se protestat në Mengël janë paralajmërimet e furtunës që po vjen.

Postimi i plotë

DUAM SHKOLLËN!!!
Kjo është thirrja që nxënësit në Mengël të Elbasanit, i kanë drejtuar sot Ministrisë së Arsimit dhe Bashkisë Elbasan.
Prej një jave ata janë në protestë bashkë me prindërit dhe kanë bojkotuar procesin mësimor, duke kërkuar rikthim në shkollën e tyre, e cila rezulton të jetë në gjendje të mirë për zhvillimin e mësimit.
Një javë është goxha shumë, që Ministrja e cila fle mbi paaftësinë e saj lapidare, t?i jepte një përgjigje këtyre fëmijëve.
Por papërgjegjshmëria dhe arroganca e kësaj Ministrie s?ka të dytë.
Në vend që të angazhojë prej tre muajsh stafin ?bazhibozuk? për të bërë padira qesharake, ajo duhet t?i kishte dhënë zgjidhje situatës absurde me nxënësit e Mengëlit që dërgohen si ?sardele? në Elbasan për të bërë mësim me turne.
Megjithatë sot fëmijët i kanë dhënë flakurinën e parë të hidhur turinjve, kësaj papërgjegjshmërie e prepotence.
Kanë hyrë vetë në shkollë duke hapur derën.
Janë ulur në bangat e tyre e kanë kërkuar fillimin e mësimit.
Thirrjet e tyre ?Duam shkollën? dhe protesta e tyre kuotimplotë janë paralajmërimet e fortunës që po vjen.
Këmbanat po oshëtijnë… /CNA.al





Lajmet e fundit nga