web counter
LEXO PA REKLAMA!

SHKARKO APP

App Store
Google Play

Transportonin drogë drejt Greqisë/ Në pranga dy të rinj

23 Shtator 2018, 07:34, Aktualitet CNA

Dy të rinj janë arrestuar në Sarandë, pasi ishin duke transportuar lëndë narkotike drejt Greqisë.

Në njoftimin e policisë shkruhet se të arrestuarit janë M. B., 23 vjeç, banues në Fier dhe S.M., 25 vjeç, banues në Berat.

Gjithashtu mësohet se është sekuestruar edhe 46 kilogramë e 140 gramë lëndë narkotike Cannabis Sativa.

Njoftimi i plotë

Operacion i përbashkët Antidrogë mes Policisë së Shtetit dhe Policisë Greke.

Goditet një rast i trafikut të lëndëve narkotike nëpërmjet kufirit jeshil në drejtim të shtetit Grek.

Sekuestrohen 46 kilogramë e 140 gramë lëndë narkotike Cannabis Sativa.

Në pranga të Policisë kanë rënë dy shtetas nga Fieri e Berati.

Finalizimi me sukses i Operacionit u arrit si rezultat i bashkëpunimit ndërkufitar me Policinë Greke falë shkëmbimit në kohë të informacioneve të ndërsjellta.

Policia Kufitare Sarandë dhe Seksioni për Hetimin e Narkotikëve në Komisariatin e Policisë Sarandë në bashkëpunim të ngushtë me Policinë Kufitare Greke dhe Antidrogën kanë bërë të mundur finalizimin me sukeses të Operacionit, ku më datë 22.09.2018, nga ana e Policisë Greke u bë e mundur kapja e dy shtetasve dhe konkretisht :

– M. B., 23 vjeç, banues në Fier

– S.M., 25 vjeç, banues në Berat

Si dhe sekuestrimi i dy çantave të shpinës ku brenda tyre kishte 46 kilogramë e 140 gramë lëndë narkotike Cannabis Sativa.

Operacioni ka nisur 48 orë më parë nga Policia Kufitare e Livadhjasë Sarandë, në bashkëpunim me Seksionin për Hetimin e Narkotikëve në Komisariatin e Policisë Sarandë, ku gjatë patrullimit në kufirin jeshil , Policia Kufitare ka konstatuar shtetasit  që po transportonin lëndën narkotike në drejtim të shtetit Grek.

Menjëherë është njoftuar Policia Kufitare Greke dhe Antidroga, ku në bashkëpunim e koordinim të plotë mes shërbimeve tona dhe Policisë Greke  është mbajtur nën vëzhgim lëvizja e tyre, ku është finalizuar me kapjen e tyre  në vendin e quajtur ?Koritiani Thesproti?, Igumenicë Greqi.

Po punohet për dokumentimin dhe zbardhjen e plotë të këtij rasti./ CNA.al





Lajmet e fundit nga