web counter
LEXO PA REKLAMA!

SHKARKO APP

App Store
Google Play

E fundit!

x

"Mëshirojeni atë"/ Ironia therëse e Ramës për Arta Markun

22 Shtator 2018, 21:01, Aktualitet CNA

Deputeti i LSI, Luan Rama ka ironizuar me Kryeprokuroren e Përgjithshme të Përkohshme, Arta Markun, pas vendimit të saj, për transferimin nëpër rrethe të prokurorëve të Krimeve të Rënda, të cilët refuzuan dosjen ?Shullazi?.

Në një psotim në rrjetet sociale, Rama ka kërkuar mëshirë për Markun, i cila, sipas tij është duke u përdorur.

Ndër të tjera ai shkruan se Prokurorja e Përgjithshme është shëmbëlltyra e atyre që e kanë votuar.

Postimi i plotë

Mëshirojeni Artën!

Unë jam krenar për Prokuroren e Përgjithshme të vendit tim!
Sepse ajo është e zonja; profesionalisht e pakrahasueshme me të gjithë prokurorët e tjerë të marrë sëbashku, shumica e të cilëve ca barkaluqë të dhjamosur që gogësijnë e djerësijnë mbi dosjet e krimit, korrupsionit e paaftësisë së tyre.

Por është edhe elokuente e gjithë sharm sa të mahnit, aq sa do të ishte mirë që oratoria e saj të merret si model i perfeksionit në komunikimin publik!

Eshtë edhe elegante sa për t?ia patur zili, është edhe mishërim i intelektualizmit dhe sqimës që buron prej faktit se librin e ka po aq të domosdoshëm sa edhe ajrin, e nuk e ndan nga dora as në makinë kur udhëton prej zyrës në shtëpi e anasjelltas! Eshtë fiks siç duhet të jetë një zonjë e emëruar në një post të lartë të hierarkisë shtetërore!

Ndaj, të gjithë ju që shkruani kundër saj, lëreni Artën të qetë, lëreni t?a përdorin për atë që ajo ka pranuar të përdoret!
Mëshirojeni Artën, sepse ajo është shembëlltyra më kuptimplotë e qasjes së tufës që e ka votuar ndaj shtetit dhe zbatimit të ligjit!

?Injoranca e krenaria, shkojnë bashkë si shtati e hija?, ka thënë At Gjergj Fishta! /CNA.al





Lajmet e fundit nga