Foto+Video- Skandal i madh me ndotjen në Elbasan/ ARM dhe IM mbyllin sytë

23 Shtator 2018, 13:20, Aktualitet CNA

Tonelata me metale të dyshimta nga Kosova dhe Maqedonia helmojnë Elbasanin.

Tonelata me metale të ndryshme dhe të dyshimta, që vijnë çdo ditë të javës, muajit dhe vitit nga Kosova dhe Maqedonia (por edhe nga Bullgaria dhe Serbia përmes këtyre dy vendeve) në Shqiperi, ç’doganohen dhe përfundojnë në furrat e shkrirjes së ish-Kombinatit Metalurgjik të Elbasanit, për llogari të një kompanie të huaj.

Burime nga Elbasani përmes dëshmive të qytetarëve, por edhe banorëve të fshatrave Bradashesh, Vidhas, Kusarth, e Shijon, deklaruan për ?CNA? se ?kamionë 10 dhe 20 tonësh me targa të Kosovës dhe Maqedonisë, shkarkohen çdo ditë tek uzinat dhe furrat e shkrirjes së një kompanie të huaj, e cila prej vitesh ndot dhe helmon banorët, ujin, tokën, të mbjellat, njerëzit, duke sëmurur dhe çuar drejt vdekjes qindra e mijëra njerëz, ndërsa Ministria e Mjedisit, Agjensia Rajonale e Mjedisit dhe Inspektoriati Mjedisit, mbyllin sytë, nuk zbatojnë ligjin, janë bërë ortakë me ata vampire, që po helmojnë fëmijët dhe gjënë e gjallë?.

Pavarsisht se Bashkia e Elbasanit dhe krejt anëtarët e Këshillit Bashkiak pa dallime politike, u kanë bërë thirrje dhjetra herë qeverisë, kryeministrit Rama dhe kreut të Mjedisit duke nisur nga Lefter Koka dhe duke përfunduar tek Blendi Klosi, duket se afera korruptive u ka mbyllur sytë, dhe nuk interesohen fare se ndotet qyteti, fusha, uji, banesat, ajri, njerëzit. Një skandal i paimagjinuar, tek shikon se si ç?doganohen ditën me diell kamionë 10 dhe 20 tonësh me hekurishte që nuk u dihet origjina, dhe që ndoshta janë edhe me mbetje radioaktive, dhe nisen pastaj drejt furrave të shkrirjes së çelikut, të cilat punojnë nën hundën dhe dakortësinë e agjensive mjedisore të Elbasanit, pa vënë në punë pluhurkapëset ose sistemin e filtrave.

Një skandal i paimagjinuar, tek shikon kur vjen nga Durrësi apo Tirana, tymin e helmuar të oxhaqeve të KURUM dhe Ferro-Kromit (të vjeter) tek ndotin ajrin, ujin, tokën, të mbjellat, bagëtitë, fshatrat dhe deri lagjet e qytetit të Elbasanit. Kush do të përgjigjet penalisht për ndotjen e Elbasanit, kush ka mbyllur veshët dhe syrin përpara shkeljeve të tilla ligjore, përse Ministria e Mjedisit hesht, përse ARM dhe Inspektoriati Mjedisit Elbasan nuk marrin masa, nuk ndalin ndotjen e furrave të çeliqeve që po helmojnë gjithçka në Elbasan, qytetin e luleve dhe bujarisë ?

Kush po e shkatërron ajrin e Elbasanit, përse Ministria e Mjedisit emëron njerëz që nuk kanë asnjë aftësi profesionale dhe intelektuale në agjensitë vartëse në rrethe? Qytetarët e Elbasanit, duhet të ndërgjegjesohen dhe të ngrihen në protesta deri në përmirësimin e situatës alarmante, këshilltarët dhe drejtuesit politikë lokalë, duhet të kërkojnë nga Rama dhe Klosi llogari për shkatërrimin e ambientit , për ndotjen e Elbasanit.

Ka ardhur koha të zgjohet qytetaria e Elbasanit dhe e kujtdo qyteti ku ndotja është shqetësim, ka ardhur koha që zyrtarët sehirxhinj dhe pazarexhinj të institucioneve të shtetit, të penalizohen në emër të ligjit, që shkelin dhe përdhosin çdo ditë.

Tefik OSMANI Pedagog Elbasan