E fundit!

20:58 Aktualitet

FOTOLAJM/ Pankartat "pikante" në protestën e 46 kundër qeverisë

Vijon protesta e 46 para Kryeministrisë. Protestuesit vijo...

Shpëtim Idrizi “shpartallon” opozitën

21 Shtator 2018, 08:32, Aktualitet CNA

Prej disa ditësh, kreu i PDIU-së, Shpëtim Idrizi njoftoi largimin nga koalicioni qeverisës me Ramën, për t’ju bashkuar kështu opozitës, gjë e cila u prit krahëhapur nga kreu i PD, Lulzim Basha.

Ditën e djeshme në takimin e opozitës në Vlorë, mori pjesë edhe Idrizi, duke zyrtarizuar kështu bashkimin me koalicionin opozitar.

Por, çfarë ka ndodhur me opozitën e Bashës, pasi hapi dyert për Idrizin?

Me ardhjen e Idrizit, Basha humbi një ndër aleatët e tij, kreun e PBDNJ-së, Vangjel Dule, i cili nuk ishte në takimin e djeshëm të opozitës edhe pse është deputet i qarkut të Vlorës.

Burime për CNA.al nga zyrtarë të lartë të kësaj partie bëjnë të ditur se kreu i PBDNJ-së, Vangjel Dule do të braktisë koalicionin me Lulzim Bashën. Kujtojmë këtu se kjo forcë politike, ka pasur qëndrime të qarta që në vitin 2009, kur braktisi koalicionin qeverisës me Berishën dhe doli në opozitë.

Më pas në vitin 2013, PBDNJ erdhi në pushtet në koalicion me Ramën, por u largua sapo socialistët thirrën në qeverisje PDIU-në e Shpëtim Idrizit.

Që nga ai moment e deri më sot, PBDNJ ka qënë në opozitë në krah të Lulzim Bashës, por ky i fundit nuk do ta këtë më Dulen në krah

Por, Dule nuk është i vetmi aleat i Bashës, i cili ka pakënaqësi për ardhjen e Idrizit.

Kreu i Partisë Demokristiane, Nard Ndoka, disa ditë më parë, i kontaktuar nga CNA.al, është shprehur se Rilindja dhe Rama e kanë ?masakruar? PDIU-në, e tashmë ajo është si ?pemë pa kokrra?, ndërsa ka theksuar se Opozita ka nevojë për forca që japin fryte konkrete dhe rrisin koalicionin.

Nga ana tjetër edhe kreu i Partisë Republikane, Fatmir Mediu në një prononcim për CNA.al, është shprehur se para se para se të shkojë tek aritmetika e numrave me subjektet e tjera parlamentare, e djathta është shumë e rendësishme të organizojë veten si e djathtë .

?Kjo është një lëvizje politike që ka bërë zoti Basha. Por, ajo që unë mendoj është se e djathta është shumë e rëndësishme të organizojë veten si e djathtë me të gjitha subjektet dhe pastaj të shkojë tek aritmetika e numrave me subjektet e tjera parlamentare?.-u shpreh Fatmir Mediu për CNA.al.