web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi mblidhet sot në seancë plenare/ Çfarë do të ndodhë me ligjin për Teatrin     

20 Shtator 2018, 06:38, Aktualitet CNA

Sot në orën 10:00 pritet të mblidhet Kuvendi i Shqipërisë në një seancë plenare, ku pritet të miratohen amendimet në ligjin për Teatrin Kombëtar.

Opozita do të bojkotojë sërish sot  seancën plenare, ndërsa është parashikuar që pas Shkodrës, Elbasanit dhe Durrësit, sot të zbarkojë në Vlorë.

Kujtojmë këtu se të marten dekreti i presidentit për Teatrin u bë shkak për debate dhe përplasje të forta në Komisionin e Veprimtarisë Prodhuese, ku mazhoranca pranoi dekretin, por duke i bërë disa ndryshime ligjit.

Por sipas opozitës ligji ka rënë dhe sot mazhoranca duhet të kalojë në Kuvend vetëm dekretin e Presidentit, duke i thënë ?Po? ose ?Jo?.

Për opozitën, gara është formale dhe kompanitë që mund të ishin të interesuara janë në kushte të pabarabarta me kompaninë ?Fusha?, kjo pasi afati që ju është lënë për dorëzimin e projektit është vetëm 30 ditë.

Ndërkohë, ditën e djeshme opozita i dërgoi një letër kryetarit të Kuvendit Gramoz Ruçi ku i kërkonte të mos përfshijë në seancën e sotme ligjin për teatrin. Në letrën e përbashkët që dy kryetarët e grupeve parlamentare të opozitës, Edmond Spaho dhe Petrit Vasili i kanë dërguar Ruçit thuhet se ?miratimi ?pro? i Dekretit të Presidentit, sjell automatikisht rrëzimin në tërësi të ligjit.?
Sipas letrës, në kushtet kur Komisioni përgjegjës pranoi dekretin, i vetmi veprim që duhet të kryejë Kuvendi në përputhje me Kushtetutën dhe Rregulloren është votimi pro i dekretit dhe kthimi i ligjit mbrapsht në qeveri.





Lajmet e fundit nga