E fundit!

09:53 Aktualitet

Denoncimi: Qytetarët në radhë në Poliklinikën e Lushnjes

Deputeti i PD-së Saimir Korreshi ka denoncuar një tjetër p...

Skandale seksuale, abuzime dhe mashtrime financiare/ Sekti mister ku bën pjesë Gjiknuri

19 Shtator 2018, 10:55, Aktualitet CNA

Ministri i Infrastrukturës dhe Energjitikës, Damian Gjiknuri rezulton pjesë e një sekti të dyshimtë fetar. Ky sekt drejtohet nga një pseudo-predikues i besimit hindu, i cili ka regjistruar skandale të shumta në disa vende të botës.

Dje ?Hashtag? publikoi një material, sipas të cilit Gjiknuri rezulton anëtar aktiv i sektit të paqartë dhe të dyshimtë, i drejtuar nga një guru indian i quajtur Paramahamsa Vishëandanda.

Shkrimin në fjalë, e morën edhe disa portale të tjera, por që dikush edhe afër Berishës e hoqi.

Në këtë shkrim, ndër të tjera theksohej se ministri Gjiknuri është përpjekur ta mbajë të rezervuar përkatësinë e tij në sekt, ndonëse bashkëshortja e tij, zonja R. Agolli ka publikuar me dhjetëra foto/video të sektit, sidomos gjatë aktiviteteve që zhvillohen jashtë vendit.

Ndërkohë nga daljet për mediat të Gjiknurit, është vënë re se ai mban në dorë një byzylyk, i cili është simbol i këtij sekti, i quajtur ?Bhakti Marga?.

Gjithashtu më herët ministri kishte vendosur si foto profili në Whatssap një foto të ambienteve të shtëpisë së tij gjatë festës së Vitit të ri, ku në mur vihet re një kornizë me foton e pseudo-predikuesit.

Ajo që e bën të dyshimtë pjesëmarrjen e Gjiknurit në këtë sekt është fakti se gjatë seancave, prifti guru përdor hipnozën, e cila është kontrolli total i mendjes, dhe e shndërron personin e hipnotizuar në shërbëtor të gurusë.

Por, cili është historiku i këtij sekti dhe pse pjesëmarrja e Gjiknurit dhe familjarëve të tij konsiderohet e rrezikshme.

Pararendës i këtij sekti ka qenë një prift guru i quajtur ?OSHO?, i cili u vra nga FBI në vitet 1980. Më pas inteligjenca amerikane i ndaloi në mënyrë kategorike praktikat e këtij sekti në SHBA.

Ndërkohë drejtuesi i tanishëm i sektit, i quajtur Sëami Vishëananda, kryen rite të cilat janë jashtë kornizave të besimit hindu. Ai përdror jogan për të kënaqur egon shpirtërore.

Vishwananda i njohur ndryshe edhe si Visham, është një prift guru nga ishujt Mauritius, i cili njihet për skandale të shumta në Indi, për të cilat edhe është dëbuar nga ky shtet.

Më pas ai filloi të hapte qendra në Poloni dhe Gjermani, vende në të cilat vetëdija është e ulët.

Visham akuzohet për shfrytëzim të dishepujve të tij për marrëdhënie seksuale dhe kushdo që përpiqej të demaskonte pseudu-profetin, përndiqej nga ky i fundit derisa shkatërrohej plotësisht.

Qendren e tij në SHBA, Visham e kishte kthyer në harem, pasi i detyronte femrat të përdornin gjatë riteve një veshje transparente, e cila nuk fshihte asgjë nga trupi i tyre.

Abuzimet e tij u zbuluan në 2008-ën nga autoritetet amerikane dhe britanike, periudhë në të cilën ra interesi për këtë sekt.

Përtej skandaleve jashtë Europës, pseudo-prifti numëron edhe skandale të panumërta në kontinent.

Në Zvicër ndaj tij, autoritetet kanë të dokumentuara materiale, të cilat vërtetojnë se Visham gjatë kohës kur ishte 15 vjeç, kishte vjedhur disa relike nga kisha katolike, në momentin që po pagëzohej.

Visham njihet edhe për mashtrime me shuma të mëdha parash. Të gjitha fondet për krijimin e qendrave të reja fetare, ai i harxhonte në kazinotë e Las Vegasit, qendrat tregtare në Dubai dhe qendrat e masazheve erotike në Tajlandë.

Të gjitha këto skandale vërtetojnë se sekti që ndiqet nga Gjiknuri dhe bashkëshortja e tij drejtohet nga një pseudo-prift guru dhe një mashtrues i rëndomtë, që në fakt nuk ka lidhje aspak me fenë hindu.

Ende nuk dihet se sa thellë është implikuar Gjiknuri dhe të afërmit e tij në këtë sekt dhe sa para mund të ketë dhënë në mbështetje të tij./ CNA.al

Damian Gjiknuri lidhje me mashtruesin indian/ Alarmohen shërbimet inteligjente