E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Marrëveshja e Bashës me Idrizin/ OMONIA thirrje të fortë Dules

17 Shtator 2018, 17:22, Aktualitet CNA

Kreu i PDIU, Shpëtim Idrizi dhe kryeopozitari Lulzim Basha, finalizuan ditën e djeshme marrëveshjen për të garuar sëbashku në zgjedhjet vendore të viti të ardhshëm.

Lidhur me këtë manovër politike, ka reaguar Bashkimi Demokratik i Minoritetit etnik grek OMONIA.

Këta të fundit i kanë kërkuar PBDNJ-së, së drejtuar nga Vangjel Dule, të ripërcaktojë pozicionin brenda koalicionit opozitar, shkruan Balkanweb.

Në një deklaratë për mediat, OMONIA e quan marrëveshjen mes Bashës dhe Idrizit, një kontaminim anakronik të panevojshëm dhe të paargumentuar të platformës politike të opozitës në Shqipëri.

Ndër të tjera OMONIA ka thënë se afrimi i PDIU me Partinë Demokratike, minon marrëdhënien e qetë me Greqinë fqinje, si dhe cënon profilin politik të PD-së, lidhur me përparimin e procesit të përfshirjes së Shqipërisë në familjen Euroatlantike.

?Profili politik i PD-së i lidhur me përparimin e procesit të përfshirjes së Shqipërisë në familjen Euroatlantike është cenuar nga adoptimi i axhendës që minon marrëdhënien e qetë me Greqinë fqinje, mbështetës konseguent të zhvillimit real të Shqipërisë dhe popullit shqiptar?, ka thënë OMONIA në reagimin e saj.

Deklarata e plotë

?Shprehim shqetësimin tonë lidhur me zhvillimet në frontin e Opozitës në Shqipëri nën kryesimin e Partisë Demokratike. Adoptimi në këtë grupim të forcave politike, platformash që cenojnë mbarëvajtjen e praktikave të fqinjësisë së mirë dhe bashkëpunimit rajonal, kufizon në fakt rrezikshëm nivelin e manifestimit publik të programeve mirëfilli europianizuese.

Si Minoritet Etnik Grek kemi qenë dhe ngelemi të angazhuar në nxitjen e zhvillimeve politike në drejtimin e kristalizimit të forcave dhe programeve që kanë në epiqendër integrimin e vendit në familjen Euroatlantike dhe imunizimin e shoqërisë nga propozime anakronike nacionaliste, që vetëm se minojnë përpjekjen për kohezion social, prosperitet dhe progres të popullit shqiptar.

E çmojmë si lëvizje të panevojshme dhe të paargumentuar zhvillimin e djeshëm dhe tekstin shoqërues të marrëveshjes së koalicionit reciprok. Logjika e numrave shpie në spekulime jo të shëndetshme për jetën politike. Profili politik i PD-së i lidhur me përparimin e procesit të përfshirjes së Shqipërisë në familjen Euroatlantike është cenuar nga adoptimi i axhendës që minon marrëdhënien e qetë me Greqinë fqinje, mbështetës konseguent të zhvillimit real të Shqipërisë dhe popullit shqiptar.

Pas kësaj, si OMONIA i drejtohemi PBDNJ, që pas rikonsiderimit të situatës politike, të ripërcaktojë raportet e saj politike dhe të vijojë të orientojë sipas mundësisë, politikën, në drejtimin e duhur të precipitimit të platformave sterile nga nacionalizimi shterp dhe pa argument?/CNA.al