Xhafajt i plas tjetër skandal/ A do të vijojë ta mbrojë Rama?

15 Shtator 2018, 09:05, Aktualitet CNA

Deputetët e Partisë Demokratike, Enkelejd Alibeaj dhe Jorida Tabaku, dje në një deklaratë për mediat kanë publikuar të tjera fakte, kundër ministrit të Brendshëm Fatmir Xhafaj.

Deputetja Jorida Tabaku akuzoi ministrin Xhafaj se ka pasur interes direkt në bllokimin për 8 muaj në 2015, në Komisionin e Ligjeve, të ligjit për lojërat e fatit.

?Fatmir Xhafa si kryetar i Komisionit të Ligjeve në vitin 2015 bllokoi ligjin për mbylljen e lojërave të fatit në qytete duke detyruar që të dalin nga tregu biznesmenë të ndershëm dhe të suksesshëm, që kishin mbi 25 vite, për t?i përqëdnruar lojërat e fatit në dy ose tre duar. Lojërat e fatit jo vetëm nuk u mbyllën por u shumëfishuan nën presionin e kryetarit të atëhershëm të Komisionit të Ligjeve.?-tha ndër të tjera Tabaku.

Sipas Tabakut, Fatmir Xhafaj e bllokoi për tetë muaj në Komisionin e drejtuar nga ai ligjin, derisa bënë marrëveshje për ndarjen e tregut të bixhozit.

Gjithashtu Tabaku tha se për ligjin e Lojërave të Fatit, gjatë mbledhjes, Xhafaj ka kryer edhe negociata private me Ministrin e Financave të asaj kohe. Tabaku publikoi edhe një procesverbal, që pohon takimin në fjalë.

Ndërsa deputeti Alibeaj risolli në vëmendje denoncimin e disa kohëve më parë, ku u vërtetua me fakte se Agron Xhafaj, vëllai i ministrit Xhafaj, ishtë dënuar në Itali për trafik ndërkombëtar droge.

Sipas Alibeajt, pjesë e bandës së Agron Xhafajt janë edhe dy bashkëpunëtorë të ngushtë të tij, vëllezërit Besnik dhe Gramos Murataj, të dënuar, gjithashtu, për pjesëmarrje në krim të organizuar dhe trafik ndërkombëtar droge.

Alibeaj shkoi edhe më tej, ndërsa theksoi se vëllezërit Murataj, janë pronarë të dy kompanive të basteve. Njëra prej kompanive, ITGSA është më e njohura ne tregun e bixhozit dhe njihet me disa emra si Ecobet, Baste Live, Eurolive.

?Për këta dy të dënuar për trafik ndërkombëtar droge, duhet të kishte vepruar Ligji Antimafia për të verifikuar burimin e pasurisë së tyre. Por deri tani ligji nuk ka vepruar për kompaninë e rregjistruar me emrin e dy trafikantëve të drogës, pasi anëtarët e bandës së Agron Xhafajt janë fasada që fshehin pronësinë reale të Agron Xhafës mbi këtë kompani.

Nga vitit 2015 deri ne vitin 2018, Ecobet, Baste Live Eurolive, nën pronësinë e Agron Xhafajt dhe me mbështetjen politike të Fatmir Xhafës brenda 5 vjetëve ka shumëfishuar aktivitetin ne tregun e bixhozit, duke hapur 2176 pika të reja bixhozi.?-tha Alibeaj.

Por këto nuk janë denoncimet e vetme kundër ministrit të Brendshëm, Fatmir Xhafaj.

Vetëm pak ditë më parë, ndaj ministrit Xhafaj plasën të tjera akuza. Deputeti socialist i zonës së Kurbinit, Gjetan Gjetani, nëpërmjet një postimi në rrjetet sociale, reagoi në lidhje me situatën kriminale në zonën e tij.

Ai hodhi akuza të forta ndaj drejtuesve të policisë, duke i cilësuar si të paaftë, të korruptuar dhe ordinerë dhe tha se do të kërkonte interpelancë me ministrin Xhafaj, ndërsa paralajmëroi edhe protesta.

Por, vetëm një ditë më pas ka reaguar kreu i qeverisë, Edi Rama, i cili mori në mbrojtje Xhafajn dhe ndëshkoi deputetin Gjetani, duke kërkuar live përjashtimin e tij nga grupi parlamentar i PS.

Kryeministri Rama akuzoi deputetin Gjetani se kërkonte të kishte ekskluzivitet në emërimin e shefave të policisë në Kurbin, dhe sipas tij vetëm kishte bërë shantazhe e deklarata të paqena kundër policisë në Kurbin.

Disa kohë më parë, Partia Demokratike ndërmori një fushatë të njëpasnjëshme denoncimesh në drejtim të ministrit të Brendshëm Fatmir Xhafaj, në lidhje me vëllain e tij, i cili ishte dënuar në Itali për trafik ndërkombëtar droge.

PD publikoi prova, që tregonin se Agron Xhafaj ishte dënuar me vendim të formës së prerë gjyqësore për trafikim të lëndëve narkotike. Në një vend europian dhe demokratik, kjo do të mjaftonte që ministri të jepte dorëheqjen, për arsye morale, por një gjë e tillë nuk ndodhi me ministrin Xhafaj, por me këtë të fundit ndodhi kret e kundërta.

Fatmir Xhafaj jo vetëm që shkoi i qetë në zyrën e tij, por edhe u mor në mbrojtje nga kryeministri Rama.

Tashmë mbetet vetëm të presim reagimin e radhës së kryeministrit, nëse do të vijojë ta mbrojë ende ministrin e tij, edhe pas këtyre denoncimeve të njëpasnjëshme.

Në të gjitha rastet që ndaj ministrit Xhafaj kanë plasur skandale, Rama ka bërë ?avokatin? e tij, madje as një avokat nuk do ta bënte aq mirë. Dhë ndërkohë lind pyetja nëse Xhafaj ka ndonjë ?as? nën mëngë me të cilin e kërcënon Ramën apo mes tyre ka një marrëveshje të fshehtë?/ CNA.al

Me çfarë e kërcënon Xhafaj, kryeministrin Rama?