web counter
LEXO PA REKLAMA!

SHKARKO APP

App Store
Google Play

Teknologjia po zëvendëson njeriun, sindikatat e punonjësve kërkojnë tre ditë pushim në javë

12 Shtator 2018, 13:10, Tech CNA

Një javë pune katër ditore është e mundur në këtë shekull, nëse bizneset do të ndanin përfitimet e teknologjisë së re me fuqinë e tyre punëtore.

Kjo është kërkesa e TUC, sindikata më e madhe e punonjësve në Britani, e cila po përdor konferencën e saj vjetore për t?i bërë thirrje qeverisë që të ndërmarrë veprime për të ndihmuar njerëzit të punojnë më pak, por të paguhen njëlloj.

Inteligjenca artificiale, robotët dhe pajisjet automatike mund të ofrojnë një rritje ekonomike prej 200 miliardë eurosh në dekadën e ardhshme.

Kjo ka filluar të praktikohet në një firmë në Uells, ku punëtorët tashmë marrin një pagë të plotë për katër ditë pune. Kjo firmë ka filluar të përhapet edhe në qytetet e tjera vetëm për shkak të mënyrës së punësimit.

Sindikata kryesore  e punonjësve argumenton se teknologjia e re krijon pasuri mjaftueshëm ndaj duhet reduktuar puna e njeriut.

Kjo do të rriste produktiviteton dhe do të reduktonte sasinë e kohës së shpenzuar për punë.

Në shekullin e 19, sindikatat bënin fushatë për një ditë pune tetë orëshe. Në shekullin e 20, ne kemi të drejtën e një fundjave dy ditore dhe pushimeve të paguara ndaj edhe mund të shpresohet se në vitet në vijim, java katër ditëshe e punës mund të bëhet realitet.

Sipas të dhënave, mbi 1.4 milionë britanikë punojnë aktualisht shtatë ditët e javës ndërsa 3.3 milionë njerëz punojnë më shumë se 45 orë në javë. Sipas vetë punonjësve, stresi dhe orët e gjata në punë janë shqetësimet më të mëdha, pas pagës.

Sindikatat preferojnë të marrin si shembull Amazon, themeluesi i të cilës, Jef Bezos është njeriu më i pasur në botë, por stafi i tij është shumë i pakënaqur. Sipas të dhënave, 91 për qind e stafit të Amazon nuk do t?ia rekomandonte të punonte për kompaninë një miku dhe 89 për qind ndjehen të shfrytëzuar. Në fillim të këtij viti, një kompani në Zelandën e Re, testoi javën e punës katër ditëshe dhe drejtuesi i saj, foli për sukses.





Lajmet e fundit nga