Sot në Dashuri Bardh e Zi/ Asllë është në rrezik dështimi

5 Shtator 2018, 09:12, Lifestyle CNA

Jigitin e dërgojnë në spital dhe e rrethon policia. Ferhat është i dëshpëruar dhe Asllë e mbështet. Jigit është shëndoshë e mirë, sepse ka patur jelek mbrojtës. Policia e ka ditur se identiteti i Jigitit është zbuluar dhe e kanë mbrojtur Jigitin. Jigitin e heqin nga çështja dhe vendosin t?a fshehin diku larg. Namëkun e hedhin në bagazhin e makinës dhe ja lënë Xhunijetit për t?a varrosur. Suna i tregon Asllësë se Jigit është mirë dhe i kërkon të takohen. Zhulide fiksohet me bizhuteritë e Handanit. Suna fajëson Ferhatin për atentatin që i është bërë Jigitit. Suna i kërkon Ferhatit dhe Asllësë të largohen nga jeta e saj dhe këshillon Asllënë të largohet nga Ferhati. Zhulide kontrollon kasafortën e Handanit dhe gjen një test ADN.

Testi provon se Ferhat është babai i një fëmije. Ferhat nuk pranon të heqë dorë nga Jigit dhe është i vendosur të gjejë ata që i kanë bërë atentat Jigitit. Abidin sillet ftohtë me Gylsymin dhe ajo mendon se ai është penduar. Asllë i kërkon Ferhatit të heqë dorë nga çmenduritë dhe të mendojë për fëmijën e tyre. Asllë ka dhimbje barku. Xhunijet ia ka punuar pas shpine Azadit duke e vrarë atë para se ai të vriste Namëkun. Më pas Namëk ka dalë nga vila duke u fshehur në bagazhin e makinës së Xhunijetit si i vdekur. Ferhat dërgon Asllënë në spital. Doktoresha i thotë Ferhatit se shtatzania e Asllësë është në rrezik për dështim dhe duhet të qëndrojë në regjim shtrati dhe e qetë. Xhunijet i kërkon ndihmë Namëkut për t?i shpëtuar drejtësisë dhe për t?u kthyer në vilë. Ferhat dhe Asllë fillojnë të ëndërrojnë për fëmijën e tyre.

Zhulide i fut Vildanit dyshime se marrëdhënia mes Asllësë dhe Ferhatit është drejt fundit. Idil nxehet me Xhunijetin që i ka shpëtuar jetën Namëkut. Ferhat pyet familjen se kush takohet me Xhunijetin. Ai paralajmëron familjen që asgjë stresuese të mos i shkojë në vesh Asllësë. Zhulide dhe Vildanin për të mësuar se çfarë ka patur mes saj dhe Ferhatit. Vildan i rrëfen Zhulides se Ferhati është dashuria e saj e fëmijërisë. Ferhat tregohet romantik me Asllënë. Asllë i rrëfen Ferhatit se nuk heq dot dorë prej tij.