web counter
LEXO PA REKLAMA!

SHKARKO APP

App Store
Google Play

Rritja e kriminalitetit/ Kryebashkiakja e Shkodrës sulmon Ramën

1 Shtator 2018, 17:00, Aktualitet CNA

Kryetarja e Bashkisë së Shkodrës, Voltana Ademi ka reaguar në lidhje me rritjen e frikshme të kriminalitetit në këtë qytet, ku rasti i fundit u regjistrua sot, pasi një i ri u gjet i vrarë.

Në një postim në rrjetet sociale, Ademi numëron 6 të vrarë dhe dy të zhdukur brenda 3 muajve të fundit.

Sipas Ademit, ankthi për jetën në Shkodër po rritet dita-ditës.

Ajo më tej ka akuzuar kryeministrin, Edi Rama, duke thënë se ai dhe qeveria mbajnë përgjegjësi për ngjarjet që po ndodhin në këtë qytet.

Ndër të tjera Ademi u ka bërë apel të gjithë forcave politike, deputetëve, medias dhe përfaqësive ndërkombëtare në Shqipëri, që të mos qëndrojnë indiferentë ndaj kësaj që po ndodh në Shkodër.

Postimi i plotë

Shkodra po përjeton periudhën e saj më të vështirë ku krimi po bën ligjin!

Në më pak se tre muaj janë 6 të vrarë dhe dy persona të zhdukur në territorin e Bashkisë së Shkodrës.
Ankthi për jetën dhe të nesermen po zbret frikshëm në këtë rajon.

Si nënë, motër, grua, si kryetare e Bashkisë së Shkodrës i drejtohem kryeministrit të Shqipërisë, e Qeverise: Mjaft më! Ju mbani përgjegjësi për këtë që po ndodh!

U drejtohem të gjitha forcave politike, deputetëve e medias, përfaqësive ndërkombëtare në Shqipëri: Ju s?mund të qëndroni indiferent! Askush nuk mund të qëndrojë indiferent! Për fëmijët dhe familjet tona, për të ardhmen tonë e të Shkodrës tonë!

Shkodra nuk është dhe nuk duhet të jetë kurrë kjo e tre muajve të fundit, nuk duhet ta lëmë të hyjë në një rrugë pa kthim. /CNA.al





Lajmet e fundit nga