E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Sulmi ndaj Klodiana Lalës/ Ja si i kërcënon pushteti gazetarët

30 Gusht 2018, 18:03, Aktualitet CNA

Deputeti demokrat, Luçiano Boçi ka reaguar në lidhje me sulmin ndaj shtëpisë së prindërve të gazetares Klodiana Lala, në orët e para të mëngjesit të sotëm.

Në një postim në rrjetet sociale, Boçi është shprehur se kjo që ndodhi është një goditje ndaj fjalës së lirë.

Boçi shton më tej se në një shtet narko-mafioz heshtja vlen shumë dhe kush e thyen paguan.

Deputeti demokrat ka përmendur gjithashtu edhe raste të tjera kur janë kërcënuar gazetarët.

Boçi ka thënë gjithashtu se mesazhi i koduar i pushtetit është ?O me ne, o të blejmë, ose të vrasim?.

Për deputetin demokrat, liria e medias sot është thjeshtë një fantazmë për të zbukuruar mashtrimin e madh.

Postimi i plotë

PLUMBA FJALËS
Goditja ndaj Klodiana Lalës nga krim-politika, si goditje ndaj fjalës së lirë nuk është as e rastit dhe as fenomen i izoluar.
Në një shtet narko-mafioz, heshtja vlen shumë.
Dhe kush e thyen, n.q.s nuk blihet, atëhere paguan.
Klodiana nuk është e vetmja në këtë histori, mgjs ndër më ulëritset si rast.
Telnisit i la policia në prag të derës, kokën e prerë të dhisë, Gertin e kërcënuan me sms-ra, Alidën e shkarkuan, gazetarëve të Publicus i mbyllën emisionin…
E sa e sa të tjerë që në forma e mënyra të ndryshme kanë marrë mesazhet e koduara dhe sot janë detyruar të bëjnë paktin me heshtjen.
O me ne, o të blejmë, ose të vrasim!
Kjo është deviza.
Pushteti i kriminalizuar nuk toleron në këtë pikë, madje investon.
Median që nuk e kap e miklon.
Atë që nuk kontrollon e zhantazhon, e kërcënon.
Atë që bëhet pengesë e eleminon.
Liria e medias, sot i ngjan një fantazme që e marrin prej dore, vetëm për të zbukuruar mashtrimin e madh.
Kjo është sot Shqipëria, kopshti i kriminalizuar i Europës Juglindore.
Pa shtet, pa institucione drejtësie, pa institucione e kolona demokracie, me liri të ekzekutuar fjale e liri të blerë tregu.
Dinosauri i krim-politikës, sot bërtet kapeni krimin, në një lojë që mendon se e ka fituar, me plumba e para.
Por shkërmoqja ka filluar.
Kurajoja dhe fjala e gazetarëve të lirë dhe ajo e qytetarëve, peshojnë më shumë se plumbat e paratë.
Klodiana nuk është vetëm…. /CNA.al