web counter
LEXO PA REKLAMA!

SHKARKO APP

App Store
Google Play

Studimi: Temperaturat e larta do bëhen të zakonshme

30 Gusht 2018, 10:25, Kuriozitete CNA

Zjarret që ranë këtë verë sidomos pas atij në Atika të Greqisë janë konsideruar si një katastrofë.

Shkak i tyre u konsideruan temperaturat e larta. Në fakt këtë vit shumë pjesë të botës raportojnë se po përjetojnë një të nxehtë rekord, me temperatura mbi 40 gradë celsius në vende ku 35 gradë ka qenë më e larta.

Por sipas një studimi të ri paralajmëron se këto dhe shenja të tjera të ngrohjes globale do të bëhen më të shpeshta.

Shumë qytete evropiane dhe aziatike po përjetojnë valë të nxehti me temperaturat më të larta të regjistruara ndonjëherë.

Një studim i tillë është bërë pikërisht në Kaliforni ku zjarri që ra një javë më parë ishte më i madhi i historisë.

Një studim i ri thotë se nivelet e synuara në marrëveshjen klimatike të Parisit të vitit 2015, mund të mos mjaftojnë për të ndalur ngritjen e dëmshme të temperaturave. Vendet patën rënë dakord të përpiqen për të mos lejuar ngritjen e temperaturave mesatare të botës mbi 2 gradë celsius nga niveli i regjistruar përpara revolucionit industrial. Studimi më i fundit i bërë nga Universiteti Kombëtar Australian, Universiteti i Kopenhagenit dhe institucione të tjera, konkludon se edhe nëse vendet pjesëmarrëse i përmbahen marrëveshjes, proceset e shkrirjes së akujve polarë dhe çlirimi i metanit nga tabani i deteve mund të rrisin në të ardhmen temperaturën e Tokës me 4 ? 5 gradë, duke i bërë kështu të pabanueshme shumë pjesë të globit.

Ndërkohë, valët e pazakonta të të nxehtit që po godasin Evropën dhe Azinë pritet që të bëhen më të zakonshme.





Lajmet e fundit nga