E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Pamë murgesha të vrisnin fëmijë”, dëshmi terrori për jetimoren katolike dalin në sipërfaqe

29 Gusht 2018, 12:25, Kuriozitete CNA

Pretendimet për tortura, abuzime seksuale madje edhe për vrasje të fëmijëve në një jetimore katolike kanë dalë në sipërfaqe dekada pas ngjarjeve të dyshuara.

Sipas një hetimi katërvjeçar të botuar të hënën nga BuzzFeed, dokumentet publike dhe intervistat e dëshmitarëve vërtetojnë shumë detaje për pretendimet e bëra nga ish-banorët e Shtëpisë së Shën Jozefit në Burlington, Vermont.

Raporti i ri vjen pasi qeveritë në Britani të Madhe, Irlandë, Australi dhe vende të tjera ballafaqohen me raportet e dhjetëvjeçarëve të tmerrit brenda jetimoreve katolike.

Jetimorja katolike, Shën Jozefi, e drejtuar nga Motrat e Providencës me qendër në Montreal, u mbyll në vitin 1974, dhe pretendimet kanë të bëjnë me fëmijët që kanë jetuar atje nga vitet 1930 deri në vitet ?70

Dëshmitarja kryesore, Sally Dale ishte banorja që ka jetuar për një kohë më të gjatë në institucion, duke u rritur në Shën Jozefin nga mosha 2 deri në 23 vjeç. Në vitin 1996, Dale dha një deklaratë të gjatë 19 orëshe që tregonte abuzimin e supozuar. Ajo madje kishte deklaruar se kishte parë një murgeshë të hidhte për vdekje një djalë nga dritarja.

Në një rast tjetër ajo thotë se e pa një murgeshë të hidhte një djalë në liqenin e afërt nga një breg i lumit ? një metodë që shumë banorë të tjerë të dikurshëm kujtonin se bëhej për t?iu mësuar notin.

Kur djali u zhduk nën valë, vajza pyeti një murgeshë nëse ai kishte vdekur. Ajo i ishte përgjigjur: “Mos u shqetësoni, ai është kthyer në shtëpi një herë e përgjithmonë.?

Sally Dale, e cila nuk jeton më, ishte një nga rreth 100 ish-banorë të Shën Jozefit që paraqitën padi kundër Kishës në vitet 1990, disa vite përpara se hetimi historik i Boston Globe të griste vellon e sekretit që rrethon abuzimin e fëmijëve në institucion.