web counter
LEXO PA REKLAMA!

SHKARKO APP

App Store
Google Play

E fundit!

x

Skandali me gjyqtarin e Strasburgut/ Ja pse Rama kërkon të bllokojë çështjen e pronave

30 Gusht 2018, 09:01, Aktualitet CNA

Partia Demokratike ka reaguar sërish sot në lidhje me audio-regjistrimin e publikuar pak ditë më parë në media, në të cilin pretendohet se i ushtrohet shantazh gjyqtarit shqiptar në Strasburg.

Në një deklaratë për mediat, deputetja e PD, njëkohësisht nënkryetare e Komisionit të Ekonomisë,  Jorida Tabaku tha se shantazhi i ?mesenxherit? Denar Biba kundrejt gjyqtarit të Strasburgut, Ledi Bianku për çështjen e pronave, është tregues i qartë asaj që bën Rama e qeveria e tij.

?Qeveria shqiptare ka tentuar të ushtrojë presion, çdo deklaratë tjetër nga ana e qeverisë apo prokurorisë është propagandë,? tha Tabaku.

Ajo e konsideroi të turpshme një gjë tillë për një qeveri që tërë kohës ka në gojë ?reformën në drejtësi?.

?Një përpjekje e tillë është e turpshme për një qeveri që këndon refrenin e reformës në drejtësi. Është tregues i qartë se çfarë bën Rama dhe qeveria e tij. Arsyeja pse qeveria shqiptare dërgoi Bibën si mesenxher lidhet me çështjen e pronës. PD në pranverë ka informuar gjykatën europiane të të drejtave të njeriut për shkeljet ligjore e bëra nga kjo qeveri,? tha deputetja Tabaku.

Sipas deputetes demokrate, ajo që Rama ka bërë nuk është ?zgjidhje e pronës, por shpronësim i banorëve për uzurpues të qeverisë?.

?Politika e ndjekur nga qeveria nuk ka qenë për zgjidhjen e pronës, por për shpronësimin e banorëve për uzurpues pronash të ligjshme.

Emerimet e qeverisë në gjykatë janë politike. Ligjet u hartuan për të ndihmuar disa njerëz. Ja jep pronat e pronarëve për 1 euro oligarkëve,? tha Tabaku./ CNA.al





Lajmet e fundit nga