web counter
LEXO PA REKLAMA!

SHKARKO APP

App Store
Google Play

Shantazh ndaj gjyqtarit të Strasburgut/ Biba: Po bëhet presion ndaj meje

30 Gusht 2018, 08:42, Aktualitet CNA

Nënkryetari i KQZ Denar Biba, sërish ka dalë në një deklaratë për media në lidhje me audio-regjistrimin.

Sipas tij  takimi me gjyqtarin Ledi Bianku ishte  për shtyrjen e afatit të ekzekutimit të vendimit.

Këto akuza  dhe shantazhe, sipas Bibës, po bëhen përpara zgjedhjeve, për qëllime politike.

Dhe një herë Biba ka pohuar se nuk e ka shantazhuar gjyqtarin, por ka biseduar miqësisht me të.

?Kur Strasburgu nuk reagoi që në atë kohë, tregon se sa e parëndësishme ishte kjo bisedë. E gjitha u përdor për teatrin politikë të brendshëm shqiptar. Në mënyrë të vazhdueshme, Bianku nuk ka sqaruar se nuk kam qenë si përfaqësues i KQZ. Unë nuk kam qenë si anëtar i KQZ, por kam qenë se një drejtues i një agjencie. Kjo histori po shndërrohet si një presion dhe një shantazh, në prag të fushatës zgjedhore. Unë i jam drejtuar me letër drejtuesit të KEDNJ, dhe do të tregojë të gjithë versionin tim.

Ai këmbëngul se as Gjykata e Strasburgut, nuk ka thënë se është shantazh ky rast, por veprim i papërshtatshëm.

?Strasburgu ka konfirmuar as më shumë dhe as më pak atë që kam thënë unë. Variantin e vërtetë publiku do ta mësoj kur të dal audio e plotë e kësaj bisede. U mbars mali dhe polli një mi. Gjithçka është një bisedë mes miqsh dhe nuk ka pasur asgjë.  Për fat të keq, Bianku e ka cilësuar si diçka të papërshtatshme, por nuk ma tha mua në moment. Më vjen keq që Binaku s’ ma ka shprehur mua shqetësimin. Bianku duhet të kishte reaguar që në fillim në momentin që po bëhej biseda dhe mund të ndërpritej gjithçka në moment?, ka thënë më tej ai./CNA.al

 

 





Lajmet e fundit nga