web counter
LEXO PA REKLAMA!

SHKARKO APP

App Store
Google Play

Atentati ndaj Klodiana Lalës/ Cilat ishin rastet që po investigonte gazetarja

30 Gusht 2018, 15:19, Aktualitet CNA

Orët e para të mëngjesit të sotëm, shtëpia e prindërve të gazetares, Klodiana Lala, u sulmua me breshëri kallashnikovi.

Në një postim në rrjetet sociale, gazetarja reagoi duke thënë se nuk kishte pasur asnjë konflikt, ndërsa dyshon se sulmi ka ardhur si pasojë e punës së saj si gazetare.

Lala gjatë punës së saj si reportere, ka denoncuar raste të bujshme, ku i fundit ishte rasti i përgjimeve të deputetit socialist, Jurgis Çyrbja, i cili kishte komunikuar me Gilmando Danin, një prej të dyshuarve, si anëtar i grupit kriminal të Emiljano Shullazit në janar të 2016-ës.

Gjykata për Krimet e Rënda në datën 7 janar të 2016-ës, autorizoi përgjimin e disa numrave telefonike, në mesin e tyre edhe atë të Gilmando Danit.

Nga përgjimet u zbardhën detaje për mënyrën sesi ra në rrjetën e përgjimit ish-zyrtari i lartë i Hipotekës së Durrësit. Bisedat u zhvilluan në diferencë kohore të shkurtër nga njëra-tjetra.

Në njërën bisedat e regjistruara, Dani e pyet Çyrbjan nëse kishte ndonjë gjë serioze nga hipoteka e Durrësit, ku ky i fundit mbante postin e kryeregjistruesit. /CNA.al





Lajmet e fundit nga