web counter
LEXO PA REKLAMA!

SHKARKO APP

App Store
Google Play

E fundit!

x

Sulmi ndaj gazetares Lala/ Agron Duka jep alarmin

30 Gusht 2018, 13:33, Aktualitet CNA

Kreu i Partisë Agrare Ambientaliste, Agron Duka ka reaguar pas sulmit ndaj gazetares Klodiana Lala. Në një postim në faqen e tij në rrjetet sociale, Duka shkruan se sulmi ndaj lalës, është ?Një gjest mafioz kundër guximit të saj profesional, që fatmirësisht nuk pati pasoja për jetët e familjarëve.?.

Gjithashtu, Duka shkruan se  ?Përballë këtij alarmi duhet të gjithë të reagojmë; pasi përgjumja e qytetarëve prodhon gjithmonë monstra.?.

Kujtojmë këtu se sulmi me breshëri armësh  ndaj banesës së babait të Klodiana Lalës ndodhi rreth orës 03:00 të mëngjeist të sotëm, ndërkohë që brenda ndodheshin familjarët dhe dy fëmijët e saj të mitur.

Sipas Dukës, “Fatkeqësisht kjo ngjarje e shëmtuar ilustron hovin që krimi ka marrë në vendin tonë; guximi për të intimiduar një përfaqësuese të shtypit të lirë e vendos Shqipërinë, kandidate për në BE, krahas vendeve si Kolumbia apo Siria.”

Postimi i plotë i Dukës:

Në orët e para të mëngjesit të sotëm, është sulmuar me breshëri automatiku shtëpia e gazetares Klodiana Lala. Një gjest mafioz kundër guximit të saj profesional, që fatmirësisht nuk pati pasoja për jetët e familjarëve.

Fatkeqësisht kjo ngjarje e shëmtuar ilustron hovin që krimi ka marrë në vendin tonë; guximi për të intimiduar një përfaqësuese të shtypit të lirë e vendos Shqipërinë, kandidate për në BE, krahas vendeve si Kolumbia apo Siria.
Me këtë mesazh i shpreh solidaritetin tim Klodianës dhe familjes së saj.

Përballë këtij alarmi duhet të gjithë të reagojmë; pasi përgjumja e qytetarëve prodhon gjithmonë monstra.





Lajmet e fundit nga