E fundit!

10:29 Politikë

Vrasja e efektivit në Maliq/ Kuvendi mban 1 minutë heshtje

Kuvendi i Shqipërisë ka nisur seancën e sotme duke mbajtur...

Rilindja e Ramës, njësoj si "Ferma e Kafshëve" e Orwell

27 Gusht 2018, 18:57, Aktualitet CNA

“Përralla” therëse “Ferma e kafshëve” u shkrua nga shkrimtari George Orwell në fund të vitit 1943. Në ato vite pothuajse nuk u botua ngaqë sulmonte Stalinin, aleatin në kohë lufte të Britanisë së Madhe.

Sot 75 vite pasi ?përralla? therëse e Orwell është publikuar gati në çdo cep të botës, ajo ka marrë jetë edhe në një vend të vogël në zemër të Ballkanit, në Shqipëri.

Vetëm se në Shqipëri njihet me termin ?Rilindja e Ramës?. Në ?përrallën? e tij Orwell shkroi, se kafshët e fermës me saraje pasi përmbysin pronarin e tyre z. Xhounz dhe marrin vetë drejtimin e fermës në dorë, u premtohet se do kishin më shumë bollëk, se do kishin më shumë ushqim, se nuk do punonin me orë të gjata, se nuk do dhunoheshin më, se do flinin në stalla të ngrohta, se vetëm me forcat e tyre do ndërtonin një mulli ere dhe do prodhonin energji dhe mbi të gjitha do ishin të barabarta.

Edhe Edi Rama nën termin ?Rilindje? premtoi, shëndetësi falas, ekonomi që do shënonte rritje të paparë ndonjëherë, taksa më të ulëta, luftë ndaj krimit, zhvillim që nuk ishte parë në turizëm, drejtësi që do vepronte duke mbrojtur shqiptarët dhe mbi të gjitha se vendi do rilindte.

Po a ndodhi kjo?
Në tregimin e Orwell jo, sepse Napoleoni një derr i egër, udhëheqësi i fermës së kafshëve, pasi hoqi qafe kundërshtarin e tij ?Topin e Borës? jo vetëm që nuk i mbrojti dhe u shërbeu kafshëve të fermës me saraje, por u kthye në një lider dinak, të pashpirtë dhe tiran.

Madje Napoleoni dha urdhër që kafsha më punëtore e fermës Grushtuesi, pasi u dëmtua gjatë punimeve për mullirin e erës, të çohej jo tek veterineri, por tek kasapi.
Orwell ?përrallën? e tij e mbyll duke treguar se Napoleoni u bë njësoj si fermerët e tjerë tiran, madje dhe se dukej njësoj si ta duke ngritur dolli.

A ka ngjashmëri Rilindja e Ramës me Fermën e Kafshëve?!
Mund të thuhet se taksat janë rritur, se shëndetësia falas është bërë shëndëtësi me konçension, se ashtu siç kanë raportuar mediat e huaja vendi është kthyer në hambar hashashi dhe audostradë e kokainës dhe skandalet për lidhjet e ministrave me botën e krimit, njëri prejt të cilëve po hetohet nga drejtësia italiane.
E në përfundim mund të thuhet, se satira e Orwell po bëhet për herë të dytë realitet dhe se paralajmërimi i tij para vdekjes dhënë për një gazetare të ‘BBC’, se do kishte vjedhje, vrasje dhe pushtetarë që kthehen në tiran nga pushteti dhe korupisioni, po rezulton i vërtetë./ CNA.al