web counter
LEXO PA REKLAMA!

SHKARKO APP

App Store
Google Play

Basha dhe Rama i vënë “zjarrin” Veriut

27 Gusht 2018, 15:17, Aktualitet CNA

Qarku i Shkodrës ka deputetët më joefektiv. Sipas një raporti  të publikuar nga Instituti i Studimeve Politike, qarku i Shkodrës zë vendin e parë për efektshmërinë negative që kanë patur deputetët e legjislaturës aktuale.

Sipas ISP-së, renditja e deputetëve të këtij qarku ka mesatare 116, jashtëzakonisht negative dhe të pakrahasueshme me qarqet e tjera.

Deputetët e qarkut Shkodër, të cilët rezultojnë deputetët më pak efektivë në sesionin e fundit parlamentar janar ? korrik 2018,  janë: Agron Çela, Nard Ndoka, Lorenc Luka, Tom Doshi, Izmira Ulqinaku, Paulin Sterkaj, Bardh Spahia, Luan Harusha dhe Romeo Gurakuqi.

Në vendin e dytë negativ është qarku Lezhë me pikë mesatare në renditje, 89 pikë, 27 pikë më mirë sesa Shkodra, por 42 pikë më keq sesa qarku më i mirë, Fieri.

Në vendin e tretë negativ ndodhet qarku Kukës me 79 pikë në renditje, ndjekur nga Durrësi me 71 dhe Gjirokastra me 70.

Deputetët e qarkut Dibër ndodhen në mesin e renditjes me 66 pikë, 50 pikë më mirë sesa deputetët e Shkodrës dhe 19 pikë me keq sesa deputetët më efektivë, ata të Fierit.

Deputetët më aktivë dhe më të suksesshëm në përfaqësimin parlamentar janë deputetët e qarkut Fier me 47 pikë, pasuar nga qarku Vlorë me 49 pikë.

Deputetët e qarkut Fier, të cilët rezultojnë qarku më efektiv, janë: Erion Braçe, Petrit Vasili, Enkelejd Alibeaj, Antoneta Dhima, Bashkim Fino, Ismet Beqiraj, Adelina Rista, Luan Baçi, Genc Pollo, Xhevit Bushaj, Bujar Çela, Myslim Murrizi, Tatiana Piro, Anduel Xhindi dhe Robert Bitri. Në listë nuk janë shënuar ministrant dhe kryetari i Kuvendit. Deputetët e qarkut Shkodër, të cilët rezultojnë deputetët më pak efektivë në sesionin e fundit parlamentar janar ? korrik 2018, (sipas renditjes nga më negative në më pozitive) janë: Agron Çela, Nard Ndoka, Lorenc Luka, Tom Doshi, Izmira Ulqinaku, Paulin Sterkaj, Bardh Spahia, Luan Harusha dhe Romeo Gurakuqi. Në listë nuk janë përfshirë ministrat.

Deputetët e Tiranës dhe të Beratit kanë të njëjtin koeficient pikës, 54, 2 pikë më pak se Elbasani dhe 3 më pak sesa Korça./CNA.al





Lajmet e fundit nga