E fundit!

07:45 Kosova & Bota

Trump kërcënon Iranin: Do të godasim urat dhe termocentralet nëse nuk riktheheni në negociata

Presidenti i SHBA-së, Donald Trump, ka paralajmëruar Irani...

A mund të thinjemi brenda natës nga stresi?

26 Gusht 2018, 11:53, Lifestyle CNA

Ende nuk është e qartë nëse stresi mund të ndikojë direkt në daljen e thinjave.

Në vitin 1982 thuhet se piloti Eric Moody po përgatitej për një fluturim të lehtë nga Kuala Lumpur deri në Perth. Qielli ishte i kthjellët, ndërsa ekuipazhi i lumtur. Por, gjatë fluturimit përmbi Java, një nga motorët ndaloi së funksionuari. Dhe, pas tij edhe të tjerët.

Moody nuk tregoi as frikë dhe as stres dhe arriti që të ulte aeroplanin në një aeroport në Xhakarta ku pas disa kontrolleve zbuloi se hiri vullkanik e kishte shkaktuar dështimin e motorëve.

Megjithatë, pas vetëm gjashtë muajsh, Moody u thinj, flokët e tij kanë ndryshuar ngjyrën tërësisht.

Kapiteni Moody nuk është i vetmi të cilit i ka ndodhur kjo. E njëjta gjë ka ndodhur edhe me shumë personalitete historike dhe në periudhë shumë më të shkurtër.

Thuhet gjithashtu që kur mbretëresha franceze Maria Antoaneta u dënua me ekzekutimin në gijotinë, flokët e saj u thinjën brenda natës teksa priste ekzekutimin e dënimit.

Shumë ekspertë me vite pyeten nëse kjo është me të vërtetë e mundur. A ekziston procesi fiziologjik gjatë të cilit për shkak të stresit të madh ndryshon ngjyra e flokëve për një kohë të shkurtër?

Ngjyra që fitohet nga dy lloje të pigmentit melaninë ? eumelanina, qëe përcakton se sa i errët do të jetë floku dhe feomelanina, që përcakton se sa të kuqe ose verdha duhet të jenë flokët. Gjatë plakjes, qelizat në folikula ndalojnë së prodhuari këto pigmente dhe kështu flokët nuk rriten më me ngjyrë.

Të gjitha proceset ende nuk janë të njohura në tërësi. Një nga supozimet është që qelizat prodhojnë peroksidin e hidrogjenit, i cili shpërbëhet me ndihmën e enzimës së quajtur katalaza. Me plakjen, krijimi i kësaj enzime reduktohet, ndërsa peroksid hidrogjeni i grumbulluar bllokon prodhimin e melaninës.

Hulumtimi i udhëhequr nga Robert Lefkoëitz, fituesi i ?Nobelit? për kimi, ka ofruar disa gjurmë të reja. Ata kanë gjetur mekanizmin në të cilin stresi kronik ka shkaktuar dëmtimin e ADN-së te minjtë, çka ka mundur të çojë te ndryshimi i papritur i ngjyrës së qimes.