E fundit!

19:02 Aktualitet

"Na e kaluan njëherë topin për shalësh"/ Rama nuk tërhiqet për investimin në Zvërnec

Kryeministri Edi Rama ndodhet në Malin e Zi, ku ka ndarë p...

Konflikt në familje/ Policia parandalon tragjedinë

22 Gusht 2018, 07:59, Aktualitet CNA

Ndërhyrja në kohë e policisë ka bërë të mundur parandalimin e përshkallëzimit me pasojë të rënda të një konflikti familjar në Cërrik.

Uniformat blu kanë arrestuar në flagrancë një shtetasin Mylazim Abazi, 58 vjeç, i cili akuzohet se ka ushtruar dhunë fizike dhe kanosur bashkëshorten e tij Adelina Abazi 54 vjeçe.

Policia bën të ditur se pas dhunës së bashkëshortit, Adelina Abazi 54 vjeçe, e cila më pas kishte marrë një armë zjarri automatik që e mbanin në banesë pa leje dhe ka kërcënuar bashkëshortin duke qëlluar në ajër në banesë.

Njoftimi i plotë:

Cërrik

Ndërhyrja në kohë e Policisë parandalon përshkallëzimin e mëtejshëm me pasoja të rënda të një konflikti familjar.

Ushtron dhunë fizike ndaj bashkëshortes arrestohet në flagrancë nga Policia.

Arrestohet në flagrancë edhe bashkëshortja pasi ka kanosur me armë zjarri bashkëshortin duke qëlluar në ajër me automatik.

Sekuestrohet arma e zjarrit automatik dhe 18 fishekë

Në Sallën Operative të Komisariatit të Policisë Cërrik ka ardhur një telefonatë se në fshatin Seferan Belsh, në familjen e shtetasit Mylazim Abazi, ka një konflikt familjar mes bashkëshortëve, ku janë dëgjuar edhe të shtëna me armë.

Menjëherë në drejtim të vendit të ngjarjes kanë shkuar shërbimet e policisë, ku ka rezultuar se:

Shtetasi Mylazim Abazi, 58 vjeç, kishte ushtruar dhunë fizike ndaj bashkëshortes së tij shtetases Adelina Abazi 54 vjeçe, e cila më pas kishte marrë një armë zjarri automatik që e mbanin në banesë pa leje dhe ka kërcënuar bashkëshortin duke qëlluar në ajër në banesë.

Ndërhyrja në kohë e Policisë ka parandaluar përshkallëzimin e mëtejshëm të konfliktit duke bërë arrestimin në flagrancë të dy bashkëshortëve për “Dhunë në familje”, “Armëmbajtje pa leje” dhe “Kanosje”.

Grupi hetimor ka sekuestruan në cilësinë e provës materiale një armë zjarri tip automatik me një krehër me 18 fishekë, si dhe 2 gëzhoja të qitura nga arma automatike.

Materialet u referuan në Prokurorinë pranë Gjykatës së Shkallës së Parë Elbasan për veprat penale të parashikuara nga nenet 130/a,278/3 dhe 84 të Kodit Penal.